Էդուարդ Օրեմյան. Հիփոթեքային վարկավորումը 2010-ին վերջին կակտիվանա

PanARMENIAN.Net - Ընթացիկ տարվա սկզբին հիփոթեքային վարկավորման ոլորտն աճ է ապրում գնաճի դադարեցման հետ կապված, որը պայմանավորված է նոր կառավարական հիփոթեքային ծրագրերի ստեղծմամբ («Ազգային հիփոթեքային ընկերություն ՈՒՎԿ», «Մատչելի բնակարան երիտասարդ ընտանիքներին»), ինչպես նաև բնակչության ակտիվությամբ շուկայում: Այդ մասին Երևանում Հիփոթեքային շուկայի մասնակիցների ասուցիացիայի չորրորդ տարեկան ժողովի ժամանակ ասել է ասոցիացիայի նախագահ Էդուարդ Օրեմյանը: «Այսօր ֆինանսական կազմակերպությունները բավական ակտիվ վարկավորում են հիփոթեքային ծրագրերը, իսկ մինչև տարեվերջ շուկան ավելի կակտիվանա»,- ասել է նա:

Միևնույն ժամանակ Էդուարդ Օրեմյանն ընդգծեց, որ ասոցիացիան փորձում է երևան հանել և վերացնել հիփոթեքային ոլորտի խնդիրները: «Աշխատավարձի պահանջվող չափսերը խոչընդոտում են վարկավորմանը երկրի մարզերում, որոնց վրա գլխավորապես ուղղված են հիփոթեքային վարկավորման կառավարական ծրագրերը»,- կարծում է նա: Բացի դրանից, 30 տոկոս կանխավճարն անհասանելի է դարձնում վարկերը երիտասարդ ընտանիքների համար: Միաժամանակ նա պարզաբանեց, որ «Մատչելի բնակարան երիտասարդ ընտանիքներին» ծրագրով, որը մեկնարկել է այս տարվա մարտին, արդեն տրամադրվել է 10-12 վարկ:

Տոկոսոդրույքների վերաբերյալ Օրեմյանն ասաց, որ դրանք հիփոթեքային վարկավորման մեջ 2009-ին մեծ անկում են ապրել, և հիմա կազմում են 8,5-13 տոկոս այն դեպքում, երբ երկու տարի առաջ կազմում էին 16-20 տոկոս: «Կարելի է սպասել տոկոսադրույքների նոր կրճատում, քանի որ շուկան զարգանում է, և այսօր երկար փողեր ստեղծելու խնդիր կա»,- ասել է նա: