  Երևանում տեղի կունենա Հայաստանի մասին «Polaris» ուղեցույցի շնորհանդեսը12 մայիսի 2010 - 15:06 AMT PanARMENIAN.Net - Մայիսի 13-ին Հայաստանում կմեկնարկի Զբոսաշրջության միջոցառումների տասնօրյակը, որի նպատակն է խթանել երկրի զբոսաշրջային ուղղությունները, ձեռք բերել համագործակցության և փորձի փոխանակման նոր հնարավորություններ, վերհանել և քննարկել ոլորտի արդի խնդիրները և դրանց լուծման ուղիները, ինչպես նաև հանրությանը ներկայացնել զբոսաշրջային նոր արդյունք: Հայաստանում զբոսաշրջության միջոցառումների տասնօրյակը կանցկացվի առաջին անգամ: Նախաձեռնությունը կազմակերպված է Հայաստանի ազգային մրցունակության հիմնադրամի և ԱՄՆ միջազգային զարգացման գործակալության «Մրցունակ մասնավոր հատված Հայաստանում» (CAPS) ծրագրի կողմից` ՀՀ էկոնոմիկայի նախարարության հովանու ներքո և ոլորտի ասոցիացիաների համագործակցությամբ: Նախաձեռնության շրջանակներում տեղի կունենան զբոսաշրջության զարգացմանն ուղղված բազմաթիվ միջոցառումներ, այդ թվում` Հայաստանի զբոսաշրջության մրցունակության 4-րդ համաժողովը, «CTS 2010» միջազգային զբոսաշրջային երկօրյա ցուցահանդեսը և Հայաստանի մասին «Polaris» իտալերեն անդրանիկ ուղեցույցի շնորհանդեսը: Տեղական և տարածաշրջանի զբոսաշրջային ընկերությունների համար կանցկացվեն թեմատիկ սեմինարներ և դասընթացներ, կկազմակերպվեն քննարկումներ ոլորտի խնդիրների շուրջ` ԱԺ պատգամավորների և համապատասխան նախարարությունների մասնակցությամբ: Զբոսաշրջության միջոցառումների տասնօրյակին կմասնակցեն ուսումնական, զբոսաշրջային, հյուրանոցային և ռեստորանային ոլորտների ներկայացուցիչներ, փորձագետներ և լրագրողներ Հայաստանից, Վրաստանից, Թուրքիայից և այլ երկրներից, ասվում է ազգային մրցունակության հիմնադրամի մամլո հաղորդագրության մեջ:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Բաժիններ թեմայով Վերջին լուրեր Միրզոյանն ու Կուլեբան կարևորվել են Կիևում անցկացված քաղաքական խորհրդակցությունները  Անդրադարձ է կատարվել տարածաշրջանային թեմաներինՀՀ և Սլովենիայի ԱԳ նախարարները քննարկել են երկկողմ օրակարգի և տարածաշրջանային հարցեր Միրզոյանը շնորհակալություն է հայտնել Լեռնային Ղարաբաղից տեղահանված երեխաներին աջակցության համարԼոռի Բերդ ամրոցի եկեղեցու վերականգնումը սկսվել է Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտըՄիրզոյանը Բորելի հետ խոսել է տարածաշրջանային վերջին զարգացումներից Միրզոյանը շփումներ է ունեցել ֆորումին մասնակցող բարձրաստիճան պաշտոնյաների հետ |
