ՀՀ ԿԲ. Հայաստանում գնաճը 2011-ի վերջին կարող է կազմել 5.5-7.5 տոկոս 6 փետրվարի 2011 - 16:44 AMT PanARMENIAN.Net - Հիմք ընդունելով մակրոտնտեսական փաստացի և կանխատեսվող զարգացումները` առանձին ապրանքախմբերով գնաճի մոդելի և եռամսյակային կանխատեսումների մոդելի միջոցով իրականացվել են գնաճի կանխատեսումներ և նախանշվել դրամավարկային քաղաքականության ուղղությունները կանխատեսվող 12-ամսյա հորիզոնում: Առանձին ապրանքախմբերով գնաճի մոդելի կանխատեսումների հիմքում դրվել է շուկայական տոկոսադրույքների՝ ներկայումս ձևավորված մակարդակի պահպանման վարկածը, ինչը նշանակում է, որ գնահատվել են գնաճի հնարավոր զարգացումները ներկայիս պահպանողական դրամավարկային քաղաքականության շարունակման պայմաններում: Այս վարկածի հիման վրա ստացված կանխատեսումների համաձայն՝ դեռևս տարեվերջից փոխանցվող առաջարկի շոկերով, այդ թվում՝ գյուղատնտեսական ապրանքների գների աննախադեպ բարձր աճով և հիմնական պարենային և հումքային ապրանքների միջազգային գների բարձրացմամբ պայմանավորված՝ 2011 թվականի առաջին կիսամյակում 12-ամսյա գնաճը կպահպանվի բարձր մակարդակում. 12-ամսյա գնաճի կենտրոնական արժեքը առաջին կիսամյակի ավարտին կանխատեսվում է 9.5 տոկոս: Երրորդ եռամսյակից սկսած, նշված ցնցումների մարման պայմաններում, գնաճի տեմպերը կնվազեն, և տարեվերջին կանխատեսվող գնաճի կենտրոնական արժեքը կկազմի 5.3 տոկոս, ինչը, սակայն, դեռևս բարձր կլինի 12-ամսյա գնաճի 4±1.5 տոկոս նպատակային թիրախի կենտրոնական արժեքից: Բացի այդ, առկա անորոշությունների պայմաններում բարձր է նաև կանխատեսվող կենտրոնական արժեքից գնաճի շեղման հավանականությունը: Շուրջ 41 տոկոս հավանականությամբ՝ 12-ամսյա գնաճը տարեվերջին կարող է լինել 5.5 - 7.5 տոկոսի շրջանակներում: Կանխատեսվող հորիզոնում գերակշռող են գնաճի՝ կանխատեսված արժեքից աճի ուղղությամբ շեղման ռիսկերը: Վերջիններս կապված են հետևյալ զարգացումների հետ: Հաշվի առնելով վերոնշյալը՝ կանխատեսվող ժամանակահատվածում գնաճը իր նպատակային միջակայքի կենտրոնական արժեքին` 4 տոկոսին մոտեցնելու համար դրամավարկային պայմանները պետք է խստացվեն` զուգահեռաբար շարունակելով ապադոլարայնացման միջոցառումների իրականացումը, հաղորդում է ՀՀ ԿԲ մամլո ծառայությունը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | OVIO-ի նախաձեռնությամբ անցկացվել է «Ամպային տեխնոլոգիաների և Տվյալների մշակման կենտրոնների զարգացում» խորագրով DC24 համաժողովը Համաժողովի նպատակն է վերհանել ոլորտի մարտահրավերները և գտնել դրանց լուծումները Բաղանիսում, Բերքաբերում, Կիրանցում և Ոսկեպարում անհատական բնակելի տուն կառուցելու դեպքում կտրվի 5 մլն դրամ Շահառուների նոր շրջանակին վերաբերող փոփոխություններն ուժի մեջ կմտնեն օգոստոսի 1-ից Ըստ Բայրամովի՝ խաղաղության գործընթացի ամենալուրջ խոչընդոտը ՀՀ սահմանադրությունն է «Բաց մնացած հարցերի թիվը զգալիորեն կրճատվել է»,- ասել է նա Ուսուցիչների կամավոր ատեստավորումն այսուհետ նախատեսվում է իրականացնել էլեկտրոնային եղանակով Վարչապետն ընդգծել է երեխայի համար դպրոցում որակյալ կրթություն ստանալու հնարավորության ստեղծելու կարևորությունը |