ՊրոԿրեդիտ բանկը նշում է Հայաստանում իր գործունեության 3-րդ տարեդարձը 9 փետրվարի 2011 - 12:03 AMT PanARMENIAN.Net - ՊրոԿրեդիտ բանկի անձնակազմը նշում է Հայաստանում բանկի գործունեության 3-րդ տարեդարձը: «Բանկը շարունակում է փնտրել նոր հնարավորություններ «Ձեր Բանկը Ձեր կողքին» կարգախոսը պատվով կրելու և շուկայում գրաված դիրքերն ամրապնդելու ու առաջ մղելու ուղղությամբ»,- տարեդարձի կապակցությամբ ասել է Բանկի գործադիր տնօրեն Բերտոլտ Հերցֆելդը։ Իր բացման օրվանից՝ 2008թ.-ի փետրվարի 5-ից մինչ օրս բանկին հաջողվել է կատարել իր հիմնական խոստումները և դառնալ փոքր ու միջին ձեռնարկությունները սպասարկող առաջատար բանկերից մեկը, ինչպես նաև մրցունակ ծառայությունների մշակման և ներկայացման միջոցով դառնալ իր մասնաճյուղերի հարևանությամբ ապրող ու աշխատող անհատների նախընտրելի բանկը: Չնայած համաշխարհային ֆինանսական ճգնաժամի հետևանքով ստեղծված բարդ շուկայական պայմաններին՝ բանկին հաջողվել է գրանցել կայուն աճ և ձևավորել հատատուն հիմք իր հետագա զարգացման համար: Երեք տարիների ընթացքում բանկն իր ինը մասնաճյուղերի միջոցով թափանցիկ և մատչելի բանկային ծառայությունները հասանելի է դարձրել Երևան, Վանաձոր, Գյումրի և Արտաշատ քաղաքներում բնակվող ավելի քան 11,500 անհատների և իրավաբանական անձանց: Տարեվերջի դրությամբ բանկը ձևավորել է շուրջ 51,6 մլն. ԱՄՆ դոլարին համարժեք վարկային պորտֆել և հաճախորդներից ներգրավել՝ ավելի քան 25 մլն. ԱՄՆ դոլարին համարժեք միջոցներ: «ՊրոԿրեդիտ բանկի գրանցած ձեռքբերումները մեր հաճախորդների վստահության և բանկի բոլոր 250 աշխատակիցների ջանքերի արդյունքն են: Հարկ եմ համարում նաև նշել մեր բաժնետերերի՝ ՊրոԿրեդիտ Հոլդինգի, EBRD-ի ու KfW-ի աջակցությունը, Գերմանիայում և Մակեդոնիայում գտնվող միջին օղակի ղեկավարների վերապատրաստման ՊրոԿրեդիտ Ակադեմիաների ու Խմբի 21 երկրներում գտնվող բանկերի փորձի փոխանակման հնարավորությունների դերը, ինչն էականորեն նպաստել է բանկի ձեռքբերումներին: Բանկը շարունակում է փնտրել նոր հնարավորություններ «Ձեր բանկը Ձեր կողքին» կարգախոսը պատվով կրելու և շուկայում գրաված դիրքերն ամրապնդելու ու առաջ մղելու ուղղությամբ»,- ասել է Բերտոլտ Հերցֆելդը, հաղորդում է բանկի մամլո ծառայությունը։ Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Միրզոյանն ու Կուլեբան կարևորվել են Կիևում անցկացված քաղաքական խորհրդակցությունները Անդրադարձ է կատարվել տարածաշրջանային թեմաներին ՀՀ և Սլովենիայի ԱԳ նախարարները քննարկել են երկկողմ օրակարգի և տարածաշրջանային հարցեր Միրզոյանը շնորհակալություն է հայտնել Լեռնային Ղարաբաղից տեղահանված երեխաներին աջակցության համար Լոռի Բերդ ամրոցի եկեղեցու վերականգնումը սկսվել է Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտը Միրզոյանը Բորելի հետ խոսել է տարածաշրջանային վերջին զարգացումներից Միրզոյանը շփումներ է ունեցել ֆորումին մասնակցող բարձրաստիճան պաշտոնյաների հետ |