 «Ակցեռն» կորպորացիայի ղեկավարն անշարժ գույքի գնաճ է ակնկալում 2-3 տարուց  17 հունվարի 2012 - 14:08 AMTPanARMENIAN.Net - Հայաստանի անշարժ գույքի շուկայում վերջին 2 տարում կտրուկ տատանումներ չեն արձանագրվել: Այդ մասին հունվարի 17-ին Երևանում լրագրողներին է հայտարարել «Ակցեռն» անշարժ գույքի կորպորացիայի նախագահ Հակոբ Բաղդասարյանը: Ըստ նրա, նման իրավիճակը պայմանավորված է կայունությամբ աշխատուժի և շինանյութերի շուկաներում, ինչպես նաև Հայաստան փոխանցվող դրամական փոխանցումների աննշան տատանումներով: Ընդհանուր առմամբ, ըստ Բաղդասարյանի, կայունությանը անշարժ գույքի շուկայում 2-3 տարի անց կհաջորդի գների աճը: Ինչպես հայտնել է մասնագետը, մայրաքաղաքում 1 քմ համար նվազագույն գինն այսօրվա դրությամբ Սովետաշենում է՝ 300-600 դոլար, իսկ առավելագույնը՝ 800-2500 դոլար Կենտրոնում: Մարզերում գները տատանվում են առաջարկից ու պահանջարկից կախված: Նա հավելել է, որ հետաքրքրությունը էլիտար բնակարնների հանդեպ նվազում է: Անդրադառնալով սեզոնային ակտիվությանը՝ «Ակցեռն» անշարժ գույքի կորպորացիայի նախագահը նշել է, որ ակտիվություն է նկատվում ձմռանը, երբ վերադառնում են արտագնա աշխատանքի մեկնողները, պասիվություն՝ ամռանը, երբ մարդիկ արձակուրդ են գնում: Անդրադառնալով Հյուսիսային պողոտայի չբնակեցված բնակարաններին՝ Բաղդասարյանն ասել է, որ նրանց սեփականատերերը հիմնականում սփյուռքահայեր են ՌԴ-ից, ԱՄՆ-ից և այլ երկրներից, բացի այդ, նրանք մի քանի բնակարան ունեն: Ըստ պաշտոնական վիճակագրության, 2011թ. նոյեմբերին անշարժ գույքի հետ գործարքների քանակը կազմել է 17 009՝ ավելանալով 6 տոկոսով հոկտեմբերի համեմատ: Ընթացիկ տարվա նոյեմբերին, նախորդ տարվա նույն ամսվա համեմատ, Երևանում 1 քմ բնակմակերեսի միջին շուկայական գինը նվազել է 6,9 հազար դրամով, կամ 2,6 տոկոսով:   4 17.01.12 - ՀՀ գործատուների պետական միության նախագահ Գագիկ Մակարյանի ու «Ակցեռն» կազմակերպութան նախագահ Հակոբ Բաղդասարյանի ասուլիսը       Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Գյուղապետ․ Կիրանցի այլընտրանքային ճանապարհի երկայնքով նաև պատ է կառուցվում  «Պատ էլ են շարում, ճանապարհի երկու կողմով պատ են շարում»,- ասել է ՇահինյանըԵրթևեկության փոփոխություն՝ Գրիգոր Լուսավորչի–Արգիշտիի–Իտալիայի փողոցների խաչմերուկում Հետիոտնային անցումը կտեղափոխվի Ալ. Մյասնիկյանի արձանին հարող ճանապարհահատվածՀՀ բանկերի ղեկավար կազմն այցելել է OVIO-ի տվյալների մշակման կենտրոն Տվյալների մշակման կենտրոնը OVIO ընկերության կողմից կոմերցիոն շահագործման է հանձնվել 2024թ․ մայիսին«Շիրակ» օդանավակայանում ռումբի մասին կեղծ ահազանգի համար 36–ամյա տղամարդ է ձերբակալվել Օդանավակայանի բնականոն աշխատանքը վերականգնվել է |
