Բանկային բիզնեսի ապագան առցանց տեխնոլոգիաներն են

Վերջին տարիներին բանկային տեխնոլոգիաները զգալի փոփոխություններ են կրել, կապված անցման հետ շփման ավանդական մեթոդներից դեպի համակարգչային կոնտակտ: Ուսումնասիրելով հաճախորդի պահանջները՝ առաջատար բանկերը հասկացան, որ սպառողը շատ արագ է փոխվում և նոր սպառողը տարբերվում է նախկինից, որը սովոր էր ֆինանսական հարցերով դիմել բանկի բաժանմունք: Next սերնդին փոխարինելու է գալիս ցանցի սերունդը՝ ապագայի սպառողը, որը, դառնալով առավել ակտիվ, մամուլին և հեռուստատեսությանն ավելի շատ գերադասում է լրահոսն ու բլոգերը: Նա այլևս չի ցանկանում ավելորդ անգամ տեղաշարժվել, նրա համար ավելի հեշտ է ֆինանսական գործողությունները կատարել մկնիկի կամ ստեղնաշարի օգնությամբ հավաքելով կոդը: Այսօր առաջատար բանկերն ընդառաջ են գնում սպառողին ինտերնետի ու բջջային կապի միջոցով: Կան նույնիսկ անալոգներ, որոնք չունեն վիրտուալ բանկերի ֆիլիալներ, սակայն, կարծում եմ, այդ ձևաչափը հազիվ թե առաջիկայում պահանջված լինի Հայաստանում:

Հայաստանում ինտերնետի տարածման արագ տեմպերի շնորհիվ հնարավոր դարձավ բանկային տեխնոլոգիաների կատարելագործումն ու ինտերնետ-բանկինգի ծառայությունների արագ զարգացումը, այլ կերպ ասած տեղի ունեցավ գործողություններից շատերի վիրտուալացում: Սակայն, չնայած հեռահար սպասարկման հարմարավետությանը, ըստ իս, Հայաստանում քաղաքացիների մտածելակերպի ու փոքր շուկայում բարձր մրցակցության պայմաններում բանկերի բաժանմունքները կընդլայնվեն ու կշարունակեն իրենց գործունեությունը, սակայն զուգահեռաբար կզարգանան նաև առցանց ծառայությունները՝ ժամանակի հետ դառնալով ավելի ակտուալ և գրավելով ավելի շատ սպառողների:

Քարտային բիզնեսը սպասարկող ենթակառուցվածքների զարգացման ու քարտատերերի քանակի ավելացման շնորհիվ ապրանքների գնման կամ ծառայությունների դիմաց վճարումների ժամանակ անկանխիկ տրանզակցիաների քանակն արագ աճում է: Վերջին 2 տարում քարտապանների քանակի բավականին մեծ աճ գրանցվեց` ավելի քան 30 տոկոսով: Միաժամանակ web-ռեսուրսների զարգացումը, որը առևտրային կետերի ու ծառայություններ մատուցող ընկերությունների հետ առավել նոր ու հարմարավետ միջոց է, թելադրում է, որ բանկերն առաջընթաց քայլ կատարեն՝ զարգացնելով քարտային բիզնեսն ու ներդնելով առցանց ծառայություններ: Արդյունքում կանխիկ վճարումներից սահուն անցում է կատարվում POS տերմինալներով կամ վեբ կայքերով (ինտերնետ խանութներ) վճարումներին: Դա շատ ավելի հարմար է, քան «փողով լի դրամապանակը», հատկապես, եթե մարդը հաճախ է լինում արտերկրում:

Ամերիաբանկը վերջերս է սկսել իր հաճախորդներին առաջարկել Էքվայրինգի ծառայություններ: Համագործակցությունը միջազգային վճարային VISA, MasterCard և տեղական ArCa համակարգերի հետ հնարավորություն է տալիս հաճախորդներին քարտերով առցանց վճարումներ կատարել: Ամերիաբանկն առաջինն է Հայաստանում, որն իր հաճախորդներին առաջարկում է Էքվայրինգի ծառայություններ՝ իր իսկ կողմից մշակված միասնական ծրագրային գործիքի միջոցով (vPOS)։ vPOS-ի տեղադրումը ինտերնետային կայքում հնարավորություն է տալիս առևտրային կետերին խուսափել լրացուցիչ և ժամանակատար ծրագրավորման, կարգաբերման և սերտիֆիկացման խնդիրներից: Վճարային գործընթացի ամբողջական ավտոմատացումը նվազեցնում է գումարի մուտքագրման, պահպանման և ինկասացիայի ծախսերը: Միացման գործընթացը կատարվում է շատ արագ:

Հաշվի առնելով, որ հայ համայնքներ կան աշխարհի գրեթե բոլոր մասերում, իսկ տեղական արտադրության ապրանքները՝ հուշանվերներ, գորգեր, ոսկերչական իրեր, խմիչք և այլն, կարող են հետաքրքրել մեր հայրենակիցներին, Էքվայրինգի ծառայությունը կարող է մեծ հնարավորություններ բացել տեղի արտադրողների համար և հնարավորություն տալ ձեռնարկատերերին դուրս գալ արտաքին շուկա:

Փաստացի Էքվայրինգի ծառայություններ մենք արդեն ունենք, այժմ հարկավոր է ընդլայնել գործընկերների ցանցն ու լրացուցիչ հնարավորություններ ստեղծել մեր հաճախորդների համար:

Հանրային հատվածին ուղղված մեր վերջին նախագծերից կցանկանայի նշել կապի ծառայությունների համար վճարման առցանց հնարավորության ստեղծումը «ԱրմենՏել» ընկերության հետ համատեղ: Մենք մտադիր ենք մինչև տարեվերջ այս ծառայությունից օգտվողների քանակը հասցնել ինտերնետի օգտատերերի ընդհանուր թվի 40 տոկոսին: Այժմ մենք աշխատում ենք այդ ծառայությունների ներմուծման վրա նաև կապի մյուս օպերատորների ու բնակչությանը կոմունալ ծառայություններ մատուցող այլ ընկերությունների հետ: Մյուս կողմից մենք հասկանում ենք, որ հաշվի առնելով վիրտուալ միջավայրում տրանզակցիաների աճի միտումը, առավել ակտուալ են դառնում անվտանգության հարցերը: Նշեմ, որ վճարումների անվտանգության բարձր մակարդակը երաշխավորվում է VbV (Verified by VISA) և 3DSecure տեխնոլոգիաների կիրառմամբ:

Լինելով առաջին հերթին մեր հաճախորդների պահանջները բավարարելուն միտված ընկերություն` մենք ջանում ենք ամեն օր բարձրացնել նրանց վստահությունը՝ կանխագուշակելով ցանկություններն ու աշխատելով հաճախորդների գոհունակության բարձրացման (Customer Satisfaction) վրա: Հաճախորդը մեզանից սպասում է սպասարկում օրվա ցանկացած ժամի, ընկալելի ու մատչելի ծառայություններ, օպերատիվություն ու անվտանգություն:

Մենք զարգացնում ենք դիստանցիոն սպասարկումը, որտեղ շեշտը դրվելու է հաճախորդի հետ առցանց հաղորդակցության հաստատման վրա: Առաջիկայում մենք մտադիր ենք գործարկել մեր Կոնտակտ կենտրոնը՝ հաճախորդներին 24/7 ռեժիմով աջակցելու համար, որի շնորհիվ հնարավոր կլինի գործողությունների մեծ մասը կատարել կոնտակտային կենտրոնի օպերատորի միջոցով, կամ ձայնային ինքնասպասարկման ավտոմատ համակարգով: Սա բավականին լուրջ քայլ է հաճախորդների սպասարկման զարգացման ուղղությամբ, ես կարծում եմ, որ մենք կլինենք առաջին բանկը Հայաստանում, որը հասանելի կլինի շուրջօրյա:

Անկախ նրանից, որ ամբողջ աշխարհում ակտիվորեն զարգանում են ինքնասպասարկման բոլոր հնարավոր միջոցները, բանկերի բաժանմունքների քանակը չի պակասում: Այլ բան, որ բանկի բաժանմունքներն արդեն աճում են հաճախորդների բազային ոչ համազոր: Բայց ես կարծում եմ, որ զարգացնելով դիստանցիոն բանկինգի համակարգերը, պետք է հաշվի առնել, որ միշտ անհրաժեշտ կլինի բաժանմունքներ ունենալ առկա խորհրդատվությունների համար առավել բարդ բանկային պրոդուկտներին առնչվող հարցերով:

Սպառողի հետ շփման ձևն ընտրելիս, մենք պետք է առաջարկենք այն, ինչ նրան հարկավոր է և այնտեղ, որտեղ նա դրան սպասում է: Եթե զուգահեռներ անցկացնենք բջջային օպերատորների հետ, ապա դա նմանվում է սակագնային պլաններին ու ծառայություններին, որոնք մշակվում են կոնկրետ օգտատերի համար, կամ հատուկ թիրախային հատվածի համար:

Իսկ եթե խոսելու լինենք ընդհանուր առմամբ բանկերի ապագայի մասին, ապա ռիթեյլի ոլորտում, ըստ իս, բանկինգի ապագան բջջային հեռախոսն է: Կարծում եմ, հեռու չէ այն օրը, երբ Հայաստանում կոմունալ վճարումներ կատարելը, գնումները կամ այլ տրանզակցիաները, վարկի հայտ ներկայացնելը բջջային հեռախոսով կամ պլանշետով սովորական երևույթ կդառնան:

Ինչ վերաբերում է կորպորատիվ բանկին, այդ թվում փոքր ու միջին բիզնեսին, ապա այստեղ, կարծում եմ, հաճախորդ-բանկ փոխազդեցությունն առավելապես կզարգանա դրամի խնայողությունից ու կուտակումից դեպի ներդրումներ ու հավատարմագրային կառավարման ծառայություններ, այսինքն փողը կսկսի աշխատել իր տիրոջ համար, որտեղ բանկը հանդես կգա որպես խորհրդատու ու փորձագետ: Այստեղ մեծապես պահանջված կլինեն ինտերնետ-բանկինգն ու ակտիվների ցանկացած հեռահար կառավարում: Երևակայելով՝ կարելի է պատկերացնել նաև կորպորատիվ հաճախորդի շփումը բանկի հետ application-ի միջոցով՝ սեղմելով այդ կոճակը համակարգչի մոնիտորի վրա հնարավոր կլինի տեղեկատվության հարցում անել, տարբեր տեսակի տրանզակցիաներ կատարել, ֆինանսական խորհրդատվություն ստանալ ու մասնագետների միջնորդական ծառայություններ:

Սակայն, ըստ իս, որքան էլ զարգանա վիրտուալ շփումը բանկի հետ, պրոդուկտը, բրենդն ու սպասարկման որակը բոլոր կանալների միջոցով, հատկապես, մարդկային շփումը աշխատակցի հետ, միշտ վճռական դեր կունենան բանկի ընտրության հարցում: Ուստի մեր բանկում տեխնոլոգիաների զարգացումը նշանակում է լինել ավելի մոտ, ավելի հարմար ու մատչելի մեր հաճախորդի համար: