Revolut միջազգային ֆինանսական սուպերհավելվածը վերջերս Հայաստանում գործարկել է Revolut Lite-ը՝ հաճախորդներին հնարավորություն տալով արագ, անվճար և անվտանգ դրամական փոխանցումներ կատարել 25+ արժույթով։

ՏՏ ոլորտում ծառայություններ մատուցող հայկական Instigate Mobile ընկերությունը վերաբրենդավորման արդյունքում հաճախորդներին է ներկայանում նոր անվամբ. zealous-ը ոչ միայն արտացոլում է ընկերության արժեքներն ու ձգտումները, այլև դառնալու է այն խորհրդանիշը, որով հայկական ընկերությունը ճանապարհ է հարթելու ՏՏ փոփոխական և արագ աճող աշխարհում։

Ջեյմս Ուեբի տիեզերական ինֆրակարմիր աստղադիտարանի միջոցով աստղագետներն արդեն հայտնաբերել են հայտնի ամենահին գալակտիկաների երեք թեկնածու։ Դրանցից մեկը գոյություն է ունեցել այն ժամանակ, երբ Տիեզերքի տարիքը կազմում էր ընդամենը 250 մլն տարի։

Միջուկային հետազոտությունների եվրոպական կենտրոնում (CERN) հուլիսի 5-ին, Երևանի ժամանակով ժամը 18:00-ին մեկնարկել են պրոտոնների փնջերի ռեկորդային 13.6 տրիլիոն էլեկտրոնվոլտ (տերաէլեկտրոնվոլտ կամ ՏԷՎ) էներգիայով բախումները։

Լեգենդար E3 կոնվենտի սառեցումից հետո այն մասնակիորեն փոխարինվել է Summer Game Fest փառատոնով, որն արդեն երրորդ անգամ սեփական հարկի տակ է հավաքում համակարգչային խաղեր մշակողներին ու նոր անոնսներով ուրախացնում գեյմերներին։

Փոքրիկ սփոյլեր ենթավերնագրի համար. ուշադիր զննության դեպքում, ոչ մի նկատելի հետևանք էլ չկա։ Microsoft-ը հունիսի 15-ին վերջապես հայտարարեց իր հնագույն Internet Explorer բրաուզերից հրաժարվելու մասին, այժմ IE մուտք գործելիս օգտատիրոջն ավտոմատ առաջարկվում է օգտվել ընկերության մեկ այլ՝ Edge լուծումից։ «Աշխարհի ամենադանդաղ բրաուզերը», «սլոուփոքերի արքան», «ամենապոպուլյար բրաուզերն այլ բրաուզերներ քաշելու համար» վաղուց վերածվել է մեմի։

Apple-ի արտադրանքի ծրագրային ապահովում մշակողների WWDC (Worldwide Developers Conference) միջազգային կոնֆերանսը, որը մեկնարկել է հունիսի 6-ին ու կավարտվի հունիսի 10-ին, ավանդաբար ավելի հարուստ էր ծրագրավորման ոլորտի նորություններով, իսկ ապարատային մասին հատկացված ուշադրությունն այնքան էլ մեծ չէր։

Սուպերհամակարգիչների արտադրողականության ռեյթինգը տարեկան երկու անգամ հրապարակող TOP500 նախագիծը ներկայացրել է 2022-ի հունիսի դրությամբ աշխարհի հզորագույն սուպերհամակարգիչների նոր վարկանիշը:

ՀՀ վարչապետ Նիկոլ Փաշինյանը կառավարության այսօրվա նիստում հայտնեց, որ «մայիսի 25-ին, Երևանի ժամանակով 22:35-ին ԱՄՆ-ի Կանավերալ հրվանդանի մեկնարկային հարթակից SpaceX ընկերության հրթիռով Երկրի ուղեծիր է դուրս բերվել Հայաստանի Հանրապետության առաջին տիեզերական արբանյակը՝ հայկական պետական «Գեոկոսմոս» բաժնետիրական ընկերության և իսպանական «Սատլանտիս» ընկերության համագործակցության արդյունքում»:

Վերջերս կորեական Samsung-ը հայտարարեց, որ իր սմարթֆոնների արտադրության ընթացքում ձգտելու է հասնել 3 նմ տեխպրոցեսի, իսկ ԱՄՆ-ն ու Ճապոնիան պայմանավորվեցին սկսել 2 նմ տեխպրոցեսի տեխնոլոգիաների ստեղծումն ավելի շուտ, քան դրանց կհասնի Չինաստանը։