  Աեաջիկա ամիսներին 100 Մբիթ/վրկ թողունակությամբ լայնաշերտ Ինտերնետ-ցանցի շինարարության մրցույթ կհայտարարվի 25 հունվարի 2011 - 16:28 AMT PanARMENIAN.Net - Մոտակա 1-2 ամիսների ընթացքում Հայաստանի ինտերնետ-պրովայդերների միջև կհայտարարվի 100 Մբիտ/վրկ թողունակությամբ Ազգային հեռահաղորդակցային լայնաշերտ Ինտերնետ-ցանցի շինարարության մրցույթ, հունվարի 25-ին Երևանում կայացած մամլո ասուլիսում հաղորդել է ՀՀ տրանսպորտի և կապի նախարար Մանուկ Վարդանյանը: «Կընտրվի ընկերություն, և մենք կփորձենք լուծել այդ ուղղությամբ ծառայությունների մատուցման հետ կապված բոլոր հարցերը»,- ասել է նա: Ինչպես ավելի վաղ PanARMENIAN.Net ի թղթակցին էր հաղորդել ՀՀ Տեղեկատվական տեխնոլոգիաների զարգացման աջակցության խորհրդի քարտուղար Արմեն Գրիգորյանը, ներդրումներն այդ նախագծում կկազմեն 60-100 մլն դոլար: Մրցույթը շահող օպերատորը պետք է պարտավորվի ցանցը վարձակալության հանձնել այլ շահագրգիռ ընկերություններին, իսկ միայն մեկ ընկերության կողմից ցանցն օգտագործելու փորձերը կկասեցվեն: Ըստ Արմեն Գրիգորյանի, նախատեսվում է, որ ցանցի շինարարության աշխատանքները կմեկնարկեն արդեն 3 ամիս անց: Հայաստանում գերարագ լայնաշերտ ինտերնետի ցանցի կառուցումը ՀԲ հետ համատեղ իրականացվող տեխնոլոգիաների մրցունակության բարձրացման ծրագրի մաս է կազմում: Այդ համատեքստում նախարարն ընդգծել է, որ Հայաստանում կապի ոլորտում մատուցվող ծառայությունների որակը տարեցտարի աճում է, և «դա անհնար է չնկատել»: Մանուկ Վարդանյանը հաղորդել է նաև, որ 2011 թվականին փոփոխություններ և լրացումներ կկատարվեն «Էլեկտրոնային հաղորդակցության մասին» ՀՀ օրենքում և կմշակվի «Էլեկտրոնային հաղորդակցության ոլորտում տեխնիկական հսկողության մասին» ՀՀ օրենքը, ինչը թույլ կտա համակարգել ՀՀ տարածքում կապի ոլորտում գործող քաղաքականությունը: Բացի դրանից, կմշակվեն և ՀՀ կառավարությանը կներկայացվեն ռադիոհաղորդակցության ոլորտում հարաբերությունների կարգավորման 6 լուծումների նախագծեր:  Ուշագրավ Սարքը վաճառքում կհայտնվի մեկ տարվա ընթացքում Այս տարվա Բարքեմփի պաշտոնական հashtag-ն է #BarcampEvn12 Հաղթողները կպարգևատրվեն հոկտեմբերի 1-ին, յուրաքանչյուր հաղթող կստանա դիպլոմ և դրամական պարգև Այդ բնակավայրերի բնակիչներն ապահովված կլինեն թվային ֆիքսված կապով և լայնաշերտ ինտերնետի ծառայություններով   |  Վերջին լուրեր ԵԱՀԿ ԽՎ նիստում Մոնակոյում կքննարկվեն չլուծված հակամարտությունները, այդ թվում նաև ղարաբաղյան  ԵԱՀԿ ԽՎ ամենամյա նստաշրջանը տեղի կունենա հուլիսի 5-9 Մոնակոյում, թեման է «ԵԱՀԿ. Տարածաշրջանն ու փոփոխությունները»Եվրոպայի սամբոյի առաջնությունը կմասնակցեն 16 հայ մարզիկներ Հայաստանի պատվիրակությունը կգլխավորի սամբոյի ֆեդերացիայի նախագահ Լևոն ՀայրապետյանըՍպառողների միության նախագահ. Չնայած ջրի գնի աճին` կորուստները չեն նվազում «Այս տարի 82,6 տոկոս ջրի կորուստ է գրանցվել, որի կեսը բնական կորուստն է, իսկ կեսը`առևտրայինը»,-ասաց նա:Հայաստանի երիտասարդական հիմնադրամի պաշտոնական կայքը կոտրել են «Անհասկանալի են Հայաստանի երիտասարդական հիմնադրամի պաշտոնական կայքի նկատմամբ հարձակումները»,– ասվում է հայտարարության մեջ |
