  Turk 1923 խմբի գրոհները օտարերկրյա կայքերի վրա կարելի է նախապատրաստում համարել ապրիլի 24-ին  3 փետրվարի 2011 - 15:43 AMTPanARMENIAN.Net - Թուրքական Turk 1923 հաքերների խմբի գրոհները օտարերկրյա կայքերի վրա նախապատրաստում են ապրիլի 24-ին: Երևանում կայացած մամլո ասուլիսում նման կարծիք է հայտնել Smart Tech ընկերության տեղեկատվական անվտանգության գծով տնօրենի տեղակալ Ռուբեն Մուրադյանը: «Ցանցում առաջին անգամ է նման լայնածավալ գրոհ ձեռնարկվում Հայաստանի դեմ Թուրքիայի, ոչ թե Ադրբեջանի կողմից և դա ազդանշան է ապրիլի 24-ից առաջ»,-ասել է նա: Ըստ նրա, հաքերների հայտնի Turk 1923 խումբը գործում է համակարգված, նա կոտրել է շուրջ 96 հազար կայք: Ըստ Ռուբեն Մուրադյանի, կոտրված կայքերի մասին տեղեկությունները կասկածելի են, սակայն ստուգել դա անհնար է: Միևնույն ժամանակ, անվտանգության գծով փորձագետ Տիգրան Քոչարյանը հայտարարել է լրագրողներին, որ գրոհները պետք է որ հակառակ ազդեցությունն ունենան՝ կոտրված կայքերի սեփականատերերը կարող են սատարել Հայաստանին: Նա նշել է նաև, որ հաքերական գրոհները խաղաղ պայմաններում որակվում են որպես «խուլիգանություն» և մեծ վնաս չեն տալիս: Իսկ, օրինակ Հարավային Օսեթիայում 2008թ. պատերազմի ժամանակ վրացական և ռուսական կայքերի գրոհները տեղեկատվական շրջափակում էին առաջացնում: Ինչպես հայտնել է թուրքական Internet Haber պարբերականը, թուրքական Turk 1923 հաքերների խումբը կոտրել է շուրջ 6700 օտարերկրյա կայք, որտեղ հիշատակվել է Հայոց ցեղասպանությունը, իսկ չկոտրված կայքերում զետեղվել են Ցեղասպանությունը ժխտող հաղորդագրություններ թուրքերեն ու անգլերեն լեզուներով:   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
