Վենիամին Սմեխովն ու իր դուստրը` Ալիկա Սմեխովան ելույթ են ունենալու Հայաստանում: Նրանք հայ հանդիսատեսին ներկայացնելու են «Տանգո`12 ամիս» գրական-երաժշտական ներկայացումը: PanARMENIAN.Net ի թղթակցի հետ զրույցում Հ. Պարոնյանի անվան երաժշտական կոմեդիայի պետական թատրոնից հայտնեցին, որ ապրիլի 16-ին սիրված դերասանները ելույթ են ունենալու Գյումրու Վ. Աճեմյանի անվան թատրոնում, ապրիլի 17-ին` Վանաձորի Հովհ. Աբելյանի անվան թատրոնում, իսկ ապրիլի 18-ին` Երևանի Հ. Պարոնյանի անվան թատրոնի բեմում: Երևանյան երեկոյի տոմսերի արժեքը 1500-ից 4000 դրամ է: