Գագիկ Ծառուկյանը խոստացել է նախընտրական ծրագրի բոլոր կետերը 3 ամսում իրականություն դարձնել 17 ապրիլի 2012 - 15:14 AMT PanARMENIAN.Net - ԲՀԿ առաջնորդ Գագիկ Ծառուկյանը նախընտրական քարոզարշավի շրջանակում այցելել է Դիլիջան: «Մենք քիչ ասելու ենք, շատ անելու: Ամենակարևորը՝ դոշ չենք ծեծում, որ դուք մեզ ձայն տաք, ոչ էլ խնդրում ենք: Մենք ամեն ինչի հասած մարդիկ ենք»,- ելույթի ժամանակ հայտարարել է Ծառուկյանը: Նա նաև ասել է, որ իր երկրից ոչ մի տեղ չի գնալու, և դրա համար այսօր այս ծանրության տակ է մտել ոչ իր կաշին փրկելու, պաշտոն ստանալու, ունեցվածք դիզելու համար. «Աստծո կամոք ամեն ինչ էլ ունեմ: Ուզում եմ կարողանանք օգտակար լինել, հետևողական լինել, որ բոլորն էլ ուշադրության կենտրոնում լինեն, որ չհիասթափվեն ու չկոտրվեն մարդիկ: Պարտքի տակ ընկնելով՝ չթողնեն իրենց հայրենիքն ու գնան, այլ կարողանան լիարժեք այստեղ աշխատեն ու իրենց ընտանիքի հոգսը հոգան»: Նա խոստացել է նաև ծրագրի բոլոր կետերն իրականություն դարձնել ընդամենը 3 ամսում: «Ամեն ինչը գիտեմ՝ պրոբլեմն ու խնդիրը, հոգսն ու ցավը, միայն հիմա կասեմ, որ ձեր ճակատագրի լուծողը դուք եք»: ԲՀԿ առաջնորդը հայտարարեց, որ եթե որևէ մեկը փորձի կպնել իր թիմակցին, ուրեմն իրեն են կպնելու: «Եթե հարց կա, զանգեք, դիմեք: Իրենք ուղղակի քամի ու փոթորիկ են անում, ես ձեր կողքին կանգնած եմ, երբ զանգեք: Ոչ մեկը բարոյապես իրավունք չունի փորձի իմ թիմակցին նեղացնել»: Հանդիպման վերջում Գագիկ Ծառուկյանն ԲՀԿ անդամատոմսեր բաժանեց մի քանի հոգու: Հաջորդ հանդիպումը Տավուշի մարզի Հաղարծին գյուղում է լինելու:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
