Մայիսի 3-ին Մոսկվայում բացվում է եվրոպական ՀՀՊ համակարգին նվիրված միջազգային համաժողով
Մայիսի 3-ին Մոսկվայում բացվելու է միջազգային համաժողով՝ նվիրված եվրոպական հակահրթիռային պաշտպանության ապագա համակարգին: ՌԴ ՊՆ-ում այդ իրադարձությունը դիտարկում են որպես կարևոր փուլ Ռուսաստանի և ՆԱՏՕ-ի միջև երկխոսության մեջ:
Սպասվում է, որ միջոցառման շրջանակներում ռուս ռազմական մասնագետները ՆԱՏՕ-ի գործընկերներին կբացահայտեն տեղեկատվություն, որը նախկինում գաղտնի էր պահվում: Ինչպես հայտարարել է «Ռոսիսկայա գազետա»-ին տված հարցազրույցում պաշտպանության փոխնախարար Անատոլի Անտոնովը, բանավեճերը բաց են լինելու մինչև որոշակի աստիճան, հաղորդում են ռուսական ԶԼՄ-ները:
