22 մայիսի 2012 - 16:42 AMT
ՖԻՖԱ-ն Կոսովոյին թույլատրել է ընկերական հանդիպումներ անցկացնել

Ֆուտբոլի միջազգային ֆեդերացիան, որի մեջ մտնում են 208 ազգային ասոցիացիաներ, մասնակիորեն ճանաչված Կոսովո պետությանը թույլատրել է մասնակցել ընկերական հանդիպումներին, տեղեկացնում է AP-ն:

Այդ որոշմանը հրահրած պատճառների մասին կազմակերպությունը չի հաղորդել: Ավելի վաղ` սկսած 2008թ. Սերբիայից Կոսովոյի Հանրապետության անջատումից, և' ՖԻՖԱ-ն, և' ՈՒԵՖԱ-ն հրաժարվում էին ճանաչել ՄԱԿ-ի կողմից չճանաչված պետության ազգային հավաքականն ու ակումբները: