 Քաղաքագետ. Ռուսաստանը, ԱՄՆ-ն ու Ֆրանսիան թույլ չեն տա, որ ԵԱՀԿ ՄԽ ձևաչափը փոխվի 22 մայիսի 2012 - 19:18 AMT PanARMENIAN.Net - Քաղաքագետ Հրանտ Մելիք-Շահնազարյանը հայտարարել է, որ ԵԱՀԿ Մինսկի խումբը ղարաբաղյան հակամարտության կարգավորման մեջ ոչ միայն միջնորդի դեր է կատարում, այլ նաև հարթակ է, որտեղ ԱՄՆ-ն, Ֆրանսիան ու Ռուսաստանը պայմանավորվում են Հարավային Կովկասում իրենց դիրքի, ազդեցության ոլորտների, ինչպես նաև նրա ապագայի մասին: Բնականաբար, կայունությունը բխում է նաև նրանց շահերից, իսկ Ադրբեջանը, հակառակը, ձգտում է ցույց տալ, որ տարածաշրջանն անկայուն է, այնտեղ տարեբր գործընթացներ են գնում, այն պատերազմի եզրին է: Ադրբեջանի համար այս փուլում գլխավոր նպատակը բանակցային գործընթացի մեջ Թուրքիային ներքաշելն է, ինչն էլ նա փորձում է անել ՆԱՏՕ-ի միջոցով: Նշենք, որ Ադրբեջանի ու Թուրքիայի ջանքերն, ուղղված Ղարաբաղի հարցում ՆԱՏՕ-ին առավել ակտիվ դիրքորոշում զբաղեցնելու փորձերն անհաջող եղան: Ոչ Ռուսաստանը, ոչ ԱՄՆ-ն թույլ չեն տա, որ գործընթացում նոր խաղացողներ հայտնվեն, ասել է քաղաքագետը: Ավելի վաղ ՀՀ ԱԳ նախարարը մեկնաբանել էր այն հանգամանքը, որ երկրի նախագահը հրաժարվեց մասնակցել ՆԱՏՕ-ի գագաթաժողովին՝ նշելով. «ՆԱՏՕ-ի Չիկագոյի համաժողովի հռչակագրի նախագծում ներառված է Հարավային Կովկասում եւ Մոլդովայում հակամարտությունների լուծման վերաբերյալ ընդհանրական ձևակերպում, որը, չնայած Լիսաբոնյան հռչակագրի համեմատությամբ որոշակի փոփոխության, հակասում է ղարաբաղյան հիմնախնդրի կարգավորման միջազգային միջնորդական մանդատ ունեցող Մինսկի խմբի համանախագահների մոտեցումներին, որոնք բազմիցս արտահայտվել են Միացյալ Նահանգների, Ռուսաստանի եւ Ֆրանսիայի նախագահների կողմից: Այդ ձեւակերպումը չի համապատասխանում ԵԱՀԿ շրջանակներում հիմնախնդրի կարգավորման վերաբերյալ վերջին տարիներին ընդունված հայտարարություններին եւ որոշումներին: Դա կարող է ոչ միայն վնաս հասցնել Լեռնային Ղարաբաղի հիմնախնդրի կարգավորման բանակցային գործընթացին, այլեւ վտանգել փխրուն իրավիճակը տարածաշրջանում՝ հատկապես Ադրբեջանի ռազմական ծախսերի աննախադեպ աճի և նրա ղեկավարության ռազմատենչ հռետորաբանության ֆոնի վրա: Հաշվի առնելով այս մտահոգությունը' Հայաստանի Հանրապետության Նախագահը որոշում է կայացրել չմասնակցել Չիկագոյի հանդիպմանը»:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
