ԱՄՆ կոնգրեսականները կոչ են անում դատապարտել Բաքվի հարձակումը Հայաստանի սահմանամերձ շրջանների վրա 5 հունիսի 2012 - 18:31 AMT PanARMENIAN.Net - ԱՄՆ Ներկայացուցիչների պալատի կոնգրեսականներ Ադամ Շիֆը, Բրեդ Շերմանը, Հովարդ Բերմանն ու ֆրենկ Փալլոունը երեքշաբթի դատապարտել են Ադրբեջանի հարձակումը Հայաստանի սահմանամերձ շրջանների վրա, որի արդյունքում երեք հայ զինծառայող է զոհվել, հայտնում է Ամերիկայի Հայ Դատի հանձնախումբը (ANCA): Կոնգրեսականները կոչ են արել տարածաշրջանային այցով Հարավային Կովկասում գտնվող Հիլարի Քլինթոնին հանդես գալ Բաքվին ուղղված հայտարարությամբ, մտահոգություն են հայտնել Ալիևի ռեժիմի ԱՄՆ կողմից սպառազինության վաճառքի վերաբերյալ և կոչ են արել խստացնել 907 ուղղման կիրառումը Ադրբեջանի հանդեպ, որով արգելվում է ռազմական օգնությունը Բաքվին Հայաստանի շրջափակման պատճառով: «Ադրբեջանական սադրանքները շփման գծում Ալիևի ռեժիմի ռազմական հռետորության անմիջական արդյունքն են և պետք է կասեցվեն: Մենք պետք է բողջ խստությամբ կիրառենք 907-րդ ուղղումը և արգելենք զենքի վաճառքն Ադրբեջանին»,-հայտարարել է Ադամ Շիֆը: Կոնգրեսական Բրեդ Շերմանն, իր հերթին, նշել է, որ Բաքուն հավատարիմ չէ հակամարտության խաղաղ կարգավորմանը և կոչ է արել ԱՄՆ վարչակազմին դատապարտել ադրբեջանական դիվերսիան ու ապահովել 907 ուղղման կիրառումը Ադրբեջանի հանդեպ: Իսկ կոնգրեսական Փալոունը հույս է հայտնել, որ Հիլարի Քլինթոնը Ադրբեջանի նախագահ Իլհամ Ալիևի հետ հանդիպմանը Բաքվում հստակ կհասկացնի, որ Վաշինգտոնը չի հաշտվի բռնության հետ ու պատասխանատվության կենթարկի ադրբեջանական կողմին: Հունիսի 4-ի առավոտյան հայ-ադրբեջանական սահմանի հյուսիս-արևելյան հատվածում ադրբեջանական կողմի իրականացրած դիվերսիոն գործողության արդյունքում զոհվել են ՀՀ ԶՈւ զինծառայողներ Հրաչ Սամվելի Սարգսյանը, Զոհրաբ Խաժակի Բալաբեկյանը և Կարեն Կամոյի Դավթյանը: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Հարությունյան․ Ոսկեպարի ճանապարհի դելիմիտացիայի հարցն առայժմ օրակարգում չէ, Կիրանցի մասում մի փոքր հատված կա, որի հարցը կլուծվի Նա հավելել է, որ վարչապետն ականջալուր է եղել ոսկեպարցիներին Ռուբեն Վարդանյանի որդին՝ Le Figaro–ին․ Ապրիլի սկզբից շփում չկա, չափազանց անհանգիստ ենք Վարդանյանն ապրիլի 5–ից հացադուլ է հայտարարել ադրբեջանական բանտում Գիշերը տավուշցիները Բաղանիսի և Կիրանցի հատվածում միջպետական ճանապարհ են փակել Հավաքվածները պնդում էին, որ միակողմանի զիջումներով սահմանազատման և սահմանագծման գործընթացն ապօրինի է Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից |