  Եվրապատգամավորներ. Ադրբեջանի նախագահը, Սաֆարովին ներելով, իրեն պահել է որպես մաֆիայի ղեկավար 13 սեպտեմբերի 2012 - 19:48 AMT PanARMENIAN.Net - Եվրախորհրդարանում կայացել են հայ սպա Գուրգեն Մարգարյանին Հունգարիայում կացնահարած ադրբեջանցի մարդասպան Ռամիլ Սաֆարովի արտահանձնման ու Ադրբեջանում նրան ներում շնորհելու վերաբերյալ բանաձևի քննարկումները: Քննարկումների մասնակցած եվրապատգամավորները հիմնականում հանդես են եկել Հունգարիայի և Ադրբեջանի խիստ քննադատությամբ` Սաֆարովին ներում շնորհելն ու նրան հերոսացնելը որակելով որպես աննախադեպ, անընդունելի և ամբողջ քաղաքակիրթ աշխարհի մոտ շոկ առաջացնող քայլ: Ադրբեջանի նախագահ Իլհամ Ալիևի հասցեին մեղադրանք է հնչել, որ Սաֆարովին ներելով, նա իրեն պահել է մաֆիայի ղեկավարի նման և ցույց տվել, որ Ադրբեջանում յուրաքանչյուրը կարող է հայ սպանել և հերոս ճանաչվել: Եվրախորհրդարանի քննարկումներին ելույթ ունեցողների կարծիքով, Բաքուն պետք է երեշխավորի, որ Սաֆարովը կկրի իր արժանի պատիժը: Ընդգծվել է նաև, որ Հունգարիան պետք է ավելի ուշադիր վարեր բանակցություններն Ադրբեջանի հետ և համոզվեր, որ Բաքուն միջազգային նորմերը չի օգտագործելու մարդասպանին ազատելու նպատակով: Եվրապատգամավորներն առաջարկել են ստիպել Ադրբեջանին` որպես Եվրախորհրդի անդամ, իրականացնել իր վրա վերցված միջազգային պարտավորվածությունները: Պատգամավորները հիմնականում ըմբռնումով են մոտեցել Հունգարիայի հետ հարաբերությունների սաեռցմանը, թեև որոշները նշել են, որ Երևանի կտրուկ արձագանքը չի նպաստում տարածաշրջանում խաղաղության հաստատմանը: Ելույթ ունեցողներն անդրադարձել են նաև ղարաբաղյան հակամարտության կարգավորմանը: Մասնավորապես, առաջարկություն է հնչել, որ Եվրախորհրդարանը պետք է ավելի ակտիվ ներգրավվի ղարաբաղյան գործընթացում: Եվրապատգամավորները նաև ընդգծել են Ղարաբաղի վերաբերյալ ավելի ինտենսիվ բանակցությունների անհրաժեշտությունը, որոնցում ակտիվորեն ներգրավված կլինեն ամենաբարձր մակարդակում ինչպես երկրների ղեկավարները, այնպես էլ քաղաքացիական հասարակությունը: Քննարկումներից հետո Եվրախորհրդարանի անդամները ընդունեցին Ռամիլ Սաֆարովի արտահանձնման և ներում շնորհելու կապակցությամբ բանաձև:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
