Հայաստանում ռազմավարական հրամանատարաշտաբային զորավարժությունները շարունակվում են![]() 3 հոկտեմբերի 2012 - 19:19 AMT PanARMENIAN.Net - ՀՀ տարածքում շարունակվում են հոկտեմբերի 1-ից մեկնարկած ռազմավարական հրամանատարաշտաբային զորավարժությունները: Ինչպես հայտնում է ՀՀ ՊՆ լրատվական ծառայությունը, զորավարժությունների պլանի համաձայն` ուսումնական կենտրոններում և նախորոշման շրջաններում բացազատվել են հրամանատարական կետեր, իրականացվել են ստորաբաժանումների զորահամալրման և մարտական ներդաշնակման աշխատանքներ: Ուսումնական կենտրոններում զորահամալրվող ստորաբաժանումների անձնակազմերի հետ կազմակերպվել են մարտական պատրաստության հիմնական առարկաների, ինչպես նաև շտաբների ներդաշնակման պարապմունքներ: Իրականացված աշխատանքներին հետևելու նպատակով բացազատված հրամանատարական կետերում շրջայց է կատարել ռազմավարական հրամանատարաշտաբային զորավարժությունների ղեկավար, ՀՀ ԶՈՒ ԳՇ պետ, գեներալ-գնդապետ Յուրի Խաչատուրովը: Տեղում ծանոթանալով կատարված աշխատանքին` ՀՀ ԶՈՒ ԳՇ պետը տվել է համապատասխան ցուցումներ և հրահանգներ: Ռազմավարական հրամանատարաշտաբային զորավարժությունների նպատակներն են ՀՀ ԶՈՒ ծավալման և մարտական կիրառման պլանների գործնական ստուգումը, ներգրավված ուժերի և միջոցների մարզումը, զորահավաքային խնդիրների կատարման ուղղությամբ ՀՀ պետական և տեղական ինքնակառավարման մարմիններին, ՀՀ ԶՈՒ ղեկավարման օղակներին և զորահավաքային ռեսուրսներին գործնական փորձի հաղորդումը, զորավարժություններին ընդգրկված ուժերի, միջոցների, զորահավաքային մարմինների և ռեսուրսների հնարավորությունների ուսումնասիրումը և ճշգրտումը, շտաբների գործողությունների ներդաշնակումը: ![]() ![]() Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման ![]() ![]() ![]() | ![]() ![]() ![]() ![]() ![]() ![]() ![]() ![]() |