 Հունվարի 1-ից տնտեսվարողները կօգտվեն նոր հսկիչ-դրամարկղային մեքենաներից 18 հոկտեմբերի 2012 - 12:13 AMT PanARMENIAN.Net - Հայաստանի կառավարությունը որոշում է կայացրել ՀՀ «Հսկիչ-դրամարկղային մեքենաների մասին օրենքում փոփոխություններ կատարելու մասին: Ինչպես հայտնել է ՀՀ Պետեկամուտների կոմիտեի նախագահ Գագիկ Խաչատրյանը, 2013թ. հունվարի 1-ից ԱԱՀ վճարող տնտեսվարող սուբյեկտները պարտավոր կլինեն օգտագործել այնպիսի սարքեր, որոնց միջոցով տեղեկությունները կփոխանցվեն հարկային մարմին: Ըստ նրա, դեռևս 2005թ. ՀԴՄ-ների համար հաստատված տեխնիկական պահանջները չեն համապատասխանում ժամանակակից պահանջներին, ուստի ՀՀ կառավարությունն իր որոշմամբ նոր ժամանակակից պահանջներ է հաստատել: «Մի կողմից դա կապահովի անհրաժեշտ պայմաններ արդյունավետ հարկային վարչարարության համար, մյուս կողմից՝ տնտեսվարողները կկարողանան լրացուցիչ ծառայություններ տրամադրել հաճախորդներին, այդ թվում իրականացնել անկանխիկ հաշվարկներ»,-ասել է նա: Վարչապետ Տիգրան Սարգսյանը նշեց, որ այդ նոր համակարգը ենթադրում է միասնակ ցանցի առկայություն և առցանց կապ Կոմիտեի հետ, ինչպես նաև ցանկացած միջնորդության բացառում: «Դա վերաբերում է շուրջ 60 000 տնտեսվարող սուբյեկտների, ուստի անհրաժեշտ է ստեղծել նոր կառույց, հակառակ դեպքում կոմիտեն չի կարողանա նման քանակի տնտեսվարողների սպասարկել»,-ասել է նա: Վարչապետը հանձնարարել է Գագիկ Խաչատրյանին կառավարության հաջորդ նիստում ներկայացնել համապատասխան մարմնի ստեղծման մասին որոշման նախագիծը, որը պատասխանատվություն կկրի այդ ցանցի սպասարկման համար:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Սիմոնյան․ ՀՀ կողմից խաղաղության պայմանագրի ձգձգում չկա, գնդակն ադրբեջանական կողմում է  Ուիքերն ասել է, որ ԱՄՆ-ն ու իր դաշնակիցները պատրաստ են նպաստել Հայաստանի ու Ադրբեջանի միջև բանակցություններինԱբխազիան բողոք է հայտնել Վրաստանում Միրզոյանի հայտարարությունների վերաբերյալ Աբխազիայի ԱԳՆ–ն հույս է հայտնել, որ «Հայաստանի ղեկավարությունը առաջիկայում ճիշտ հետևություններ կանի և կփոխի իր դիրքորոշումը»Գալուզին․ Դեսպանի հարցը ՀՀ իրավասությունն է, Մոսկվային բավարարում է ներկայիս դեսպանի աշխատանքը «Ուղարկող երկրի առանձնաշնորհն է որոշել այս կամ այն երկրում դեսպանի թեկնածությունը»,–ասել է նաՀունգարիայի վարչապետը Շուշի կայցելի Էրդողանը չեղարկել է իր այցը Շուշի՝ փոխարենը նա Թուրքիայի և Նիդերլանդների ֆուտբոլի հավաքականների հանդիպմանը Բեռլինում |
