  Արցախում կառուցվում է Սուվորովի և Մադաթովի անվան զինվորական ուսումնարան (վիդեո)  5 նոյեմբերի 2012 - 15:10 AMTPanARMENIAN.Net - Արցախի անվտանգության ապահովման միջոցառումների շրջանակում մեկնարկել է Սուվորովի և Մադաթովի անվան զինվորական ուսումնարանի ստեղծման ծրագիրը: Աշխատանքների համակարգողն է լեգենդար Կոմանդոսը՝ գեներալ-մայոր Արկադի Տեր-Թադևոսյանը: Ըստ նրա, ուսումնարանի բացման գաղափարը պատկանում է արցախյան Վան գյուղից սերող Լևոն Հայրապետյանին, որը ստանձնել է նախագծի ֆինանսավորումը: Այդ մասին PanARMENIAN.Net ին են հայտնել «Ղարաբաղի Սուվորովի և Մադաթովի անվան զինվորական ուսումնարան» նախագծի իրականացման հանձնախմբի մամլո ասուլիսում: Ուսումնարանի սաները հենց դպրոցահասակ տարիքից զինվորական կրթություն կստանան: Նման ուսումնարանների փորձ կա Ռուսաստանում, ինչպես նաև Ֆրանսիայում ու ԱՄՆ-ում: «Մեր նպատակն է այժմ յուրացնել արտերկրի փորձը: Արդեն ստեղծվել է աշխատանքային խումբ»,-ասել է Կոմանդոսը՝ հավելելով, որ Հայաստանի և Արցախի պաշտպանությունը համայն հայության պարտքն է: Ուստի, նա կարևորեց Սփյուռքի մասնակցությունն այդ սուրբ գործին: Սուվորովի և Մադաթովի անվան զինվորական ուսումնարանը համապատասխանելու է բոլոր արդիական միջազգային նորմերին ու չափանիշներին: Ըստ նախագծի, ռազմական ու կենցաղային մասնաշենքերից բացի, ուսումնարանը կունենա հանդիսությունների մեծ սրահ, ֆուտբոլի դաշտ տրիբունաներով, հարթակներ բռնցքամարտի ու ըմբշամարտի, ծանրամարտի համար, բասկետբոլի, վոլեյբոլի դաշտեր և թենիսի հարթակ, ինչպես նաև մրգատու այգի ու ծաղկանոց: Գանձասարից ոչ հեռու զինվորական ուսումնարանի բացումը մի խումբ ազդեցիկ սփյուռքահայերի կողմից իրականացվող մեծ ծրագրի մի մասն է, որի նպատակն է միավորել հայության տարբեր շերտերին Հայրենիքի պաշտպանության գաղափարի շուրջ: Այդ ծրագրի մյուս փուլերը գաղտնի են պահվում: Դրանք կհրապարակվեն իրադարձությունների զարգացմանը զուգընթաց: Նախագծի իրականացման հանձնախումբը նախապատրաստել է տեսահոլովակ, որը ներկայացվում է հանրության ուշադրությանը:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
