Տաշքենդի թանգարանում Պիկասոյի խեցեղենի հավաքածու են հայտնաբերել 7 նոյեմբերի 2012 - 22:01 AMT PanARMENIAN.Net - Ուզբեկստանի արվեստի պետական թանգարանի աշխատակիցները Պաբլո Պիկասոյի խեցեղենի հավաքածու են հայտնաբերել արխիվում: Իսպանացի նշանավոր վարպետի երկար ժամանակ մոռացության մատնված խեցեղենն այժմ ցուցադրվում է Տաշքենդի թանգարանի ցուցասրահներից մեկում: Հավաքածուի մեջ մտնում են դեկորատիվ և դեսերտի ափսեներ և մի քանի գավաթներ, որոնց վրա պատկերված են Պիկասոյի սիրած մոտիվները` կով, կնոջ գլուխ և ցլի գլուխ: Արվեստի փորձագետ Գյուլչերա Ախունովան, որն օգնեց կազմակերպել ցուցահանդեսը, նշել է, որ աշխատակիցները պատահական են հայտնաբերել աշխատանքները: «Մենք ռուսական հախճապակու նմուշներ էինք փնտրում արխիվում, որպեսզի համալրեինք թանգարանի Ռուսական ավանգարդի բաժնի ցուցադրությունը, երբ հանկարծակի աչքի զարնեցին Պիկասոյի կավե աշխատանքները»,- ասել է նա France Presse գործակալությանը: Պիկասոյի խեցեղենն Ուզբեկստանում է հանգրվանել այն բանից հետո, երբ Խորհրդային Միությանն է նվիրաբերվել Պիկասոյի ընկերներից մեկի այրիի կողմից, որը համակրում էր սոցիալիստների հայացքներին: 12 կավե աշխատանքները Տաշքենդի թանգարան են ուղարկվել շուրջ 40 տարի առաջ: Համաձայն իրենց փաստաթղթերի, բոլոր աշխատանքները ստեղծվել են Մադուրա խեցեղենի արվեստանոցում` Ֆրանսիայի հարավ-արևելքում: Ցուցահանդեսը բաց կլինի մինչև 2013թ. հունվարի 10-ը:
  Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
