«Ժողովուրդ». ՀՀԿ-ականներից միայն Նիկոյանն է, որ դեռևս պաշտպանում է վարչապետին
«Ժողովուրդ» օրաթերթը գրում է, որ ԱԺ նախկին նախագահ Սամվել Նիկոյանը, որ այս գումարման խորհրդարանի նիստերին գրեթե չի մասնակցում, 2013թ. պետական բյուջեի քննարկումների ժամանակ երեկ նույնիսկ ակտիվություն է ցուցաբերել։ «Նիկոյանը տեղից անհանգիստ շարժումներով փորձում էր գոտեպնդել ԿԲ փոխնախագահ Ներսես Երիցյանին, անգամ հուշել, թե ինչ պատասխանի ընդդիմությանը։ Նկատենք, որ ՀՀԿ-ական պատգամավորներից միայն Նիկոյանն է, որ դեռևս պաշտպանում է Տիգրան Սարգսյանին»,- գրում է թերթը։
