Սոչիի 2014-ի Օլիմպիական խաղերի կրակի երթը կտևի 123 օր և ձմեռային խաղերի պատմության մեջ կդառնա ոչ միայն ամենաերկարատևը, այլ նաև ամենամասշտաբայինը:

Փոխանցավազքի երկարությունը կկազմի 65 հազար կիլոմետր: Մեկնարկը կտրվի 2013-ի հոկտեմբերի 7-ին Հունաստանում: 123 օրվա ընթանցքում կրակը կլինի Ռուսաստանի 83 շրջաններում: Էստաֆետը կընդգրկի Ռուսաստանի բոլոր 9 ժամային գոտիները` Կալինինգրադից մինչև Վլադիվոստոկ: Միջինը կրակը կհաղթահարի օրական 534 կմ:

Առաջին պաշտոնական էստաֆետը կայացել է 1936-ին: Ավանդույթը պահպանվում է մինչ օրս: Գրեթե 80-ամյա պատմության ընթացքում կրակը եղել է տիեզերքում, ամենաբարձր լեռների գագաթին, օդում և ջրում: