Այսօր համացանցում տարածվել էր տեսանյութ, որտեղ ճանապարհային ոստիկանության աշխատակիցները ծառայության ժամանակ խախտումներ են թույլ տվել. արդյունքում նշանակվել էր ծառայողական քննություն, հայտնում է ոստիկանության մամուլի ծառայությունը:
Դրա հետևանքով` ճանապարհային ոստիկանի պարտականությունները ոչ պատշաճ կատարելու, քաղաքացիների հետ շփվելիս էթիկայի կանոնները չպահպանելու համար ոստիկանության պետի հրամանով ճանապարհային ոստիկանության աշխատակիցներ, տեսուչներ Լևոն Մատինյանն ու Կարեն Մելքոնյանն ազատվել են զբաղեցրած պաշտոններից և գրանցվել կադրերի ռեզերվում:
Youtube-ում տեղադրված ճանապարհային ոստիկանների համար ճակատագրական դարձած տեսանյութի հեղինակը Դանիել Իոանիսյանն է: Տեսանյութում երևում էր, թե ինչպես է Ճանապարհային ոստիկանության մեքենան խախտում ճանապարհային երթևեկության կանոնները:
