Հաշմանդամություն ունեցող երեխաների 65 տոկոսն ապրում է աղքատության մեջ 3 դեկտեմբերի 2012 - 15:19 AMT PanARMENIAN.Net - Հայաստանում ապրում է պաշտոնապես գրանցված հաշմանդամություն ունեցող 8000 երեխա, կազմում են մանկական բնակչության 1 տոկոսը: Ըստ ՅՈՒՆԻՍԵՖԻ ևս 12.000 երեխայի հաշմանդամությունը վկայագրված չէ: Հաշմանդամություն ունեցող երեխաների 65 տոկոսն ապրում է աղքատության մեջ, 8 տոկոսը` ծայրահեղ աղքատության: Հաշմանդամություն ունեցող երեխաների 18 տոկոսը բոլորովին դպրոց չի հաճախում, գյուղերում` 4 երեխայից երկուսը: Տվյալներն այսօրէ հաշմանդամություն ունեցող անձանց իրավունքների պաշտպանության օրը, ասուլիսի ժամանակ ներկայացրեց ՅՈՒՆԻՍԵՖ-ի հայաստանյան գրասենյակի ներկայացուցիչ Հենրիետ Արենսը` զեկույցից, որը Աշխատանքի և սոցիալական հարցերի փոխնախարար Ջեմմա Բաղդասարյանի խոսքով հենց նախարարության պատվերով է իրականացված: «Բարեփոխումներից առաջ մենք պետք է իրական վիճակագրություն ունենայինք, ինչքան էլ դժվար լիներ իրականությունը տեսնելը: Այսօր արդեն մենք կարող ենք արձանագրել, որ տարիների ընթացքում բազմաթիվ քայլերի արդյունքում վիճակը բարելավվել է: Բայց տեմպերը մեզ չեն բավարարում», - ասաց Ջեմմա Բաղդասարյանը: Նրա խոսքով՝ Աշխատանքի և սոցիալական հարցերի նախարարությունը նոր օրենքի նախագիծ է ներկայացրել Կառավարություն, որում ընդգրկված են հաշմանամություն ունեցող անձանց մասին ՄԱԿ-ի կոնվենցիայի բոլոր դրույթները: «Մեր ուշադրությունն ուղղված է հատկապես ներառմանը: Սոցիալական ներառման մոտեցումից հետո, օրինակ, մեզ հաջողվել է կոտրել կարծրատիպը, որ հաշմանդամություն ունեցող երեխան պիտի սովորի հատուկ դպրոցում», - ասաց փոխնախարարը: Նրա խոսքով որոշ հաջողություններ հենց այս պահին Բրատիսլավայում ներկայացվում են միջազգային կոնֆերանսի մասնակիցներին` որպես հաջողված փորձի օրինակ:   Ուշագրավ Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը   Ամենաընթերցվողը բաժնում |  Վերջին լուրեր Միրզոյանն ու Կուլեբան կարևորվել են Կիևում անցկացված քաղաքական խորհրդակցությունները  Անդրադարձ է կատարվել տարածաշրջանային թեմաներինՀՀ և Սլովենիայի ԱԳ նախարարները քննարկել են երկկողմ օրակարգի և տարածաշրջանային հարցեր Միրզոյանը շնորհակալություն է հայտնել Լեռնային Ղարաբաղից տեղահանված երեխաներին աջակցության համարԼոռի Բերդ ամրոցի եկեղեցու վերականգնումը սկսվել է Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտըՄիրզոյանը Բորելի հետ խոսել է տարածաշրջանային վերջին զարգացումներից Միրզոյանը շփումներ է ունեցել ֆորումին մասնակցող բարձրաստիճան պաշտոնյաների հետ |
