  «ՏՈՅՈՏԱՆ» ՀԱՅԱՍՏԱՆՈՒՄ ԿԲԱՑԻ ՆԵՐԿԱՅԱՑՈՒՑՉՈՒԹՅՈՒՆ 8 հունիսի 2005 - 12:55 AMT PanARMENIAN.Net - Հայաստանի վարչապետ Անդրանիկ Մարգարյանը եւ նրա գլխավորած պատվիրակությունը Տոկիոյում հանդիպում են ունեցել «Ճապոնիա-Հայաստան» ասոցիացիայի ներկայացուցիչների հետ, տեղեկացնում է ՀՀ կառավարության մամուլի ծառայությունը: Հանդիպման ընթացքում Ա.Մարգարյանը շնորհակալություն է հայտնել ասոցիացիայի անդամներին` հայ-ճապոնական համագործակցությունը խթանելու ակտիվ ջանքերի համար` ընդգծելով, որ դեռեւս չօգտագործված մեծ ներուժ կա: Նրա խոսքերով` դրան զգալիորեն կարող են նպաստել ե՛ւ «Էքսպո-2005» ցուցահանդեսը, ե՛ւ հունիսին Մոսկվայում կազմակերպվելիք հայ-ճապոնական բիզնես-համաժողովը: Ա.Մարգարյանը նշել է, որ ներկայումս Հայաստանում է գտնվում Ճապոնիայի միջազգային համագործակցության գործակալության ներկայացուցիչները, որոնք Հայաստանի փոքր եւ միջին ձեռնարկատիրության ոլորտում ուսումնասիրությունների ճանապարհով մտադիր են ի հայտ բերել համագործակցության համար առկա հնարավորությունները: Հանդիպման ընթացքում Ա.Մարգարյանն իրազեկել է նաեւ Հայոց ցեղասպանության ճանաչման գործընթացի մասին` նշելով, որ գնալով ավելանում է ցեղասպանությունը ճանաչող ու դատապարտող երկրների թիվը: Իր հերթին` ասոցիացիայի նախագահ Սուիմա Էդամուրան նշել է, որ տեղյակ է Հայաստանի տնտեսական առաջընթացի մասին եւ ուրախ է, որ երկիրը զարգացում է ապրում: Նա գոհունակություն է հայտնել հայկական պատվիրակության այցի շրջանակներում ստորագրվելիք միջկառավարական համաձայնագրի առիթով: Ինչպես նշել է Էդամուրան, «Տոյոտա» ընկերությունը մտադիր է իր ներկայացուցչությունն ունենալ Հայաստանում, որը, զրուցակիցների կարծիքով, կարող է տարածաշրջանային կենտրոն դառնալ: Հանդիպման ավարտին Էդամուրան ՀՀ վարչապետին է նվիրել Խորհրդային Միությունում, ապա նաեւ ՌԴ-ում դեսպան եղած տարիների իր տպավորություններն ամփոփող գիրքը, որում մի քանի էջ նվիրված է Հայաստանին:   Ուշագրավ Ըստ Յուսուբովի, այդ մարդիկ պետկառույցների աշխատակիցներ են և գործարարներ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է   Ամենաընթերցվողը բաժնում |  Բաժիններ թեմայով Վերջին լուրեր Միրզոյանն ու Կուլեբան կարևորվել են Կիևում անցկացված քաղաքական խորհրդակցությունները  Անդրադարձ է կատարվել տարածաշրջանային թեմաներինՀՀ և Սլովենիայի ԱԳ նախարարները քննարկել են երկկողմ օրակարգի և տարածաշրջանային հարցեր Միրզոյանը շնորհակալություն է հայտնել Լեռնային Ղարաբաղից տեղահանված երեխաներին աջակցության համարԼոռի Բերդ ամրոցի եկեղեցու վերականգնումը սկսվել է Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտըՄիրզոյանը Բորելի հետ խոսել է տարածաշրջանային վերջին զարգացումներից Միրզոյանը շփումներ է ունեցել ֆորումին մասնակցող բարձրաստիճան պաշտոնյաների հետ |
