  Հայրիկյանը հաստատեց, որ առաջադրվել է. Ուղղակի անպարկեշտ է Հայրիկյանի դեմ թեկնածու դնելը  26 դեկտեմբերի 2012 - 17:24 AMTPanARMENIAN.Net - ԱԻՄ (Ազգային ինքնորոշում միավորում) կուսակցության նախագահ Պարույր Հայրիկյանը գալիք նախագահական ընտրություններում իր թեկնածության առաջադրման համար փաստաթղթերը ներկայացրել է ՀՀ Կենտրոնական ընտրական հանձնաժողով: PanARMENIAN.Net ի թղթակցի հետ զրույցում նա ասաց, որ իրեն այլընտրանք չի տեսնում: «Ես այնպիսի ծրագրով եմ հանդես գալիս, որը պատրաստվում եմ իրականացնել երկու տարվա ընթացքում և մարդկանց ապահովեմ ինքնորոշման հնարավորությամբ: Ես գիտեմ իմ տեղը և ուզում եմ վերահաստատել այն: Ես եղել եմ առաջնորդ, մեր ժողովրդին ուղղորդել եմ տեր դառնալու պետականությանը, ժողովրդավարության հաստատմանը՝ և ոչ միջազգային չափանիշներից բխող, այլ ավելի կատարյալ համակարգից: Դրա հստակ պատկերացումը ես ունեմ: Ես մի թեկնածու եմ, որի դեմ մրցել շատ դժվար կլինի»,- ասաց Պարույր Հայրիկյանը: Ըստ նրա՝ կարծիք կա, որ որոշ քաղաքական ուժեր թեկնածու չառաջադրեցին միայն այն պատճառով, որ տեղեկացան, որ Հայրիկյանը պետք է առաջադրվի: «Որպես քաղաքական ուժ շատ լավ հասկանում են, որ ուղղակի անպարկեշտ է Հայրիկյանի դեմ թեկնածու դնել»,- եզրափակեց նա: Ինչպես արդեն հայտնի է՝ 2013թ.-ի փետրվարի 18-ին կայանալիք նախագահական ընտրություններում թեկնածուների առաջադրումների ժամկետը մեկնարկել է դեկտեմբերի 25-ին և կավարտվի հունվարի 4-ին:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
