  Պլատինին հավանություն է տվել Բոատենգի պահվածքին՝ նա լքել է դաշտը իր հասցեին ռասիստական արտահայտություններից հետո 23 հունվարի 2013 - 15:43 AMT PanARMENIAN.Net - ՈւԵՖԱ-ի նախագահ Միշել Պլատինին նշել է միջոցները, որոնք մրցավարը կարող է ձեռնարկել դաշտում եվրոպական ֆուտբոլային միության հովանու ներքո անցկացվող խաղերում ռասիզմի դրսևորման դեպքում, ներառյալ խաղի հնարավոր դադարեցումը: Պլատինին հավանություն է տվել «Միլանի» ֆուտբոլիստ Քևին Պրինս Բոատենգի պահվածքին, ով հունվարի սկզբին ընկերական խաղի ժամանակ լքել է դաշտը հակառակորդի երկրպագուների կողմից իր հասցեին ռասիստական արտահայտությունների պատճառով: Բոատենգի հետևից դաշտը լքել են նրա թիմակիցները, և խաղն ընդհատվել է: «Մենք ունենք կանոններ, որոնց մասին գիտեն ՈւԵՖԱ-ի Չեմպիոնների լիգայի և Եվրոպայի լիգայի խաղերը սպասարկող մրցավարները»,- հայտարարել է Պլատինին: ՈւԵՖԱ-ն դարձել է առաջին ֆուտբոլային կազմակերպությունը, որը մրցավարին հստակ ցուցումներ է տվել, թե ինչ անել ռասիզմի դրսևորման դեպքում: Խոսելով Քևին Պրինս Բոատենգի հետ կապված իրավիճակի մասին` նա գովել է «Միլանի» ֆուտբոլիստին դաշտից հեռանալու որոշման համար: «Ես շնորհակալ եմ Բոատենգին: Ցանկանում եմ նաև շնորհակալություն հայտնել «Միլանի» նախագահին: Կարծում եմ, որ «ռոսոներիի» որոշումը բացարձակապես ճիշտ էր»: Պլատինին նշել է, որ ռասիզմը տեղ չունի տրիբունաներում, հայտարարելով. «Հիմա մենք պարտավոր ենք ստադիոններից վտարել նրանց, ովքեր խաղերին գալիս են ոչ ֆուտբոլի համար: Նման մարդիկ ֆուտբոլի հետ ընդհանուր ոչինչ չունեն, և նրանք այլ նպատակներ են հետապնդում»:   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
