ԱՄՆ իշխանությունները միջոցներ են ձեռնարկում Հայաստանի քաղաքացի Ռուբեն Ջամալյանի հետ կապի մեջ մտնելու եւ Նոր Օռլեանից նրան Հյուստոն կամ Ատլանտա տեղափոխելու համար, տեղեկացնում է ՀՀ ԱԳՆ մամուլի ծառայությունը: Նշենք, որ հայաստանի քաղաքացի, մասնագիտությամբ բժիշկ Ռուբեն Ջամալյանը օգոստոսի 31-ին «Կատրինա» փոթորիկի ժամանակ գտնվել է Նոր Օռլեանի Սուպերդոում մարզադաշտում, որտեղ նա օգնություն է ցուցաբերել տուժածներին: Հայաստանի ԱԳՆ-ն եւ ԱՄՆ-ում ՀՀ դեսպանությունը մշտական կապի մեջ են Հայաստանում ԱՄՆ դեսպանության, ԱՄՆ պետքարտուղարության ճգնաժամերի կառավարման աջակցության գրասենյակի եւ ԱՄՆ ֆեդերալ արտակարգ իրավիճակների կառավարման գործակալության հետ` Ռուբեն Ջամալյանի եւ Հայաստանի այլ քաղաքացիների մասին տեղեկություներ ստանալու նպատակով: