Ազատության հրապարակում ելույթ ունեցավ նաև ՀԱԿ անդամ, ԱԺ պատգամավոր Նիկոլ Փաշինյանը: Նա իր ելույթում, մասնավորապես, նշեց. «Րաֆֆի Հովհաննիսյանը ստացել է ժողովրդի վստահության քվեն և ինքը պետք է որոշի, թե այն ինչպես վերածել դե յուրե հաղթանակի: Համզված եմ, որ Րաֆֆիի և նրա թիմի որոշումներից է կախված, թե ինչ կբերի այս փետրվարը:Սիրելի ժողովուրդ, ՀՀ հպարտ քաղաքացիներ, այսօր փետրվար է և մենք նորից այստեղ ենք, եկեք հիշենք, հարգանքի տուրք մատուցենք մարտի 1-ի զոհերի հիշատակին, այլևս երբեք թույլ չենք տա կոտորել մեզ մեր մայրաքաղաում, այլևս ոչ մի պարտություն, կեցցե Ազատությունը, կեցցե Հայաստանի հանրապետությունը, կեցցեն մեր երեխաները, որ ապրելու են ազատ Հայաստանում», - ասաց Նիկոլ Փաշինյանը: