  Ա. Ցինկեր. Նեթանյահուի ներողությունը ոչ մի կապ չունի Քնեսեթում Հայոց ցեղասպանության քննարկման հետ 26 մարտի 2013 - 13:38 AMT PanARMENIAN.Net - Մինչ Իսրայելի ու Թուրքիայի միջև հարաբերությունների հաստատումը դեռ շատ կա, իսկ Քնեսեթում Հայոց ցեղասպանության հարցի քննարկումը կախված է բազում գործոններից, սակայն ոչ Նեթանյահուի ներողությունից: Այդ մասին PanARMENIAN.Net ին է հայտարարել Իսրայելի Արևելյան Եվրոպայի ու ԱՊՀ երկրների ինստիտուտի տնօրեն, դոկտոր Ալեքսանդր Ցինկերը: «Ներողության մասին խնդրել է Օբաման, ԱՄՆ-ին հարկավոր են քիչ թե շատ նորմար հարաբերություններ Իսրայելի ու Թուրքիայի միջև, եթե համատեղ գործողություններ պահանջվեն Սիրիայի դեմ, իսկ ԱՄՆ-ն չկարողանա որևէ մեկի վրա հենվել: Սակայն, թե որքանով իրական կլինի ջերմացումը, մեծ հարց է: Էրդողանը չափից մեծ պահանջներ ունի և ես չեմ կարծում, որ Նեթանյահուն կգնա դրան: Եվ զարմանք են առաջացնում ԱՊՀ որոշ փորձագետների մեկնաբանությունները: Տպավորություն է առաջանում, որ նրանք զբաղվում են ոչ թե քաղաքականությամբ, այլ թվաբանությամբ»,-ասել է Ցինկերը: Ինչ վերաբերում է Քնեսեթում Հայոց ցեղասպանության քննարկմանը, ապա պետք է լինի մեկը, որ առաջ տանի այդ հարցը: «Ինչպես հիշում եք, հարցն ակտիվորեն առաջ էին մղում պատգամավորներ Զեև Էլկինը, Զահավ Գալյոնը, Նինո Աբեսաձեն, նախկին խոսնակ Ռեուվեն Ռիվլինը, որն այսօրվա դրությամբ ամենահարգված ու մեծ կշիռ ունեցող քաղաքական գործիչներից է: Լավ կլինի, եթե հենց ինքը գլխավորի Իսրայել-Հայաստան խորհրդարանական բարեկամության խումբը: Նինո Աբեսաձեն չընդգրկվեց խորհրդարանում, Զեև Էլկինը դարձել է ԱԳ փոխնախարար: Եթե Լիբերմանը մնա ԱԳՆ ղեկավար, դա պարզ կդառնա հունիս-հուլիսին, ապա Իսրայելի արտաքին քաղաքականությունը առավել հավասարակշռված կլինի»,-ասել է Ցինկերը՝ հավելելով, որ ներողությունը Թուրքիայից ոչ մի կապ չունի Քնեսեթում Հայոց ցեղասպանության քննարկման հետ:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
