Ճարտարապետության և շինարարության համալսարանում էներգաարդյունավետության լաբորատորիա է բացվել![]() 26 մարտի 2013 - 18:31 AMT PanARMENIAN.Net - Բնապահապանության նախարար Արամ Հարությունյանը Երևանի ճարտարապետաշինարարական համալսարանում մասնակցել է ՀՀ բնապահպանության նախարարության և ՀՀ քաղաքաշինության նախարարության համակարգման ներքո ընթացող «Շենքերի էներգետիկ արդյունավետության բարձրացում» ՄԱԶԾ ծրագրի և Երևանի ճարտարապետության և շինարարության պետական համալսարանի համագործակցության շրջանակներում հիմնադրված էներգաարդյունավետության լաբորատորիայի բացմանը: Շնորհավորելով հյուրերին լաբորատորիայի բացման կապացությամբ՝ նախարարն ընդգծել է, որ այն կնպաստի ապագա գիտնականներին նորանոր բարձունքների հասնելուն: «Այս լաբորատորիան կստեղծի այն հիմքերը, որոնք հետագայում հնարավորություն կտան ակտիվացնել էներգախնայողության բարձրացման և դրանք կիրառության մեջ դնելու ուղղությամբ տարվող աշխատանքների որակը»,-բացման խոսքում նշել է բնապահպանության նախարարը: Նախարարության մամուլի ծառայությունից հայտնում են, որ Երևանի ճարտարապետաշինարարական համալսարանին տրամադրվել է շուրջ 10 միլիոն դրամ ընդհանուր արժողությամբ 12 անվանում սարքավորումներ և գործիքներ: Հայաստանում առաջին անգամ հասանելի այս նորագույն սարքերը թույլ են տալիս մասնավորապես գնահատել շենքերի էներգետիկ արդյունավետության հետ առնչվող մի շարք օդերևութաբանական և ջերմաֆիզիկական հարաչափեր և ստացված տվյալները ուղղակիորեն ներբեռնելով համակարգիչ՝ ստանալ վերլուծած արդյունքները գրաֆիկական պատկերով: Հետապնդելով ոլորտի բարձրակարգ մասնագետների պատրաստման նպատակը` լաբորատորիան հասանելի կլինի նաև համապատասխան որակավորում տրամադրող այլ ԲՈՒՀ-երի ուսանողների համար` հնարավորություն տալով նրանց գործնականում ծանոթանալ էներգաարդյունավետության գնահատման և բարձրացման նպատակով իրականացվող վերլուծություներին և միջոցառումներին: ![]() ![]() Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը ![]() ![]() ![]() | ![]() ![]() ![]() ![]() ![]() ![]() ![]() ![]() |