Մ.Եղիազարյան. «Արաբոյի» արածը վերագրում են շտաբում քարտեզի վրա մի գիծ քաշածներին ու կնոջ փեշի տակ թաքնվածներին16 ապրիլի 2013 - 14:19 AMT PanARMENIAN.Net - «Օղակ» գործողությունն էր ու 22 տարի առաջ այս օրերը, երբ Մարտունաշենի ու Գետաշենի վրա ադրբեջանական օմոնն էր հարձակվում: Մարտունաշենն «Արաբո» ջոկատն էր պաշտպանում, որի հրամանատար Մանվել Եղիազարյանն այսօր ասուլիսի ժամանակ ասաց, որ հիմա որոշ քաղաքական ուժեր փորձում են «Արաբոյի» արածն ուրիշներին վերագրել: «Մեզ խնդրեցին ընդամենը 10-15 օր պաշտպանել Մարտունաշենը, որ թշնամին չշարժվի դեպի Շահումյան: 5-ի փոխարեն 7 ամիս 18 օր պաշտպանեցինք` ոչ մեկը չեկավ մեզ փոխարինելու, օգնելու: Բայց մենք դիմանում էինք: Հիմա մեր երեխաներին պատմում ենք, թե ինչ է եղել, ինչպես է եղել, բայց հեռուստացույցով լրիվ ուրիշ կերպ են ներկայացնում: Մենք ամաչում ենք մեր երեխաներից` նրանց առաջ սուտ ենք դուրս գալիս», - ասաց «Արաբոյի» հրամանատարը: Նա նշեց, որ իրենց օգնություն չեկավ, քանի որ պառակտում էր սկսվել: Դա այն ժամանակ էր, երբ Հայաստանում քաղաքական գործիչները միտինգներ էին անում ու ամեն մեկն իրենն էր պնդում, իսկ պետք էր ուղղակի միանալ:«Մարդկանց մի մասը կարծում էր` Գորբաչովի հետ կարելի է լեզու գտնել, մյուսներն ասում էին` թող Ղարաբաղն Ադրբեջանի կազմում մնա, ուրիշները` Մարտունաշենը, Գետաշենը տանք: Մարդիկ էլ կային կռվելու համար չէին: Ամեն տղամարդ չէ, որ ծնվել է զինվոր լինելու համար ու ամեն մարդ չի ծնվել ժողովրդի ճակատագիր կերտելու համար: Հայրենիք, հայրենասիրություն, ազգ. սա բոլորի համար չէ», - ասաց Մ.Եղիազարյանը: Այսօր էլ քաղաքական իրավիճակը կայուն չէ ու այդ պատճառով նա անուններ չտվեց, բայց նշեց, որ որոշ քաղաքական ուժեր «Արաբոյի» սխրանքը ուրիշներին են վերագրում: «Մարտունաշենում 5 օր մնացած, գնացած մարդկանց անուններ են տալիս, «Արաբոյի» տղաների անունը, որ 7 ամիս 18 օր պաշտպանել են`չէ: Այն մարդականց են հերոս ներկայացնում, որ իրենց մայրերի չէ, կանանց փեշի տակ էին մտել: Կամ նրանց, որ բացի շտաբում քարտեզի վրա մի երկու գծից, ուրիշ ոչինչ չեն արել: Նաև տղաների անուններ, որ զոհվել են ու նրանց դեմ մենք ոչինչ չենք ասի», - ասաց Մ.Եղիազարյանն ու ավելացրեց, որ եթե այս պահին հստակեցնի, թե իր խոսքն ում է ուղղված, կասեն` Մանվել Եղիազարյանը նրա մրցակցի թիմից է: ««Արաբոյում» 1700 մարդ կա ու նրանց 99 տոկոսը կուսակցական չէ: Ով կարողանա «Արաբո» ջոկատին իրենով անի`մեծ հեղինակություն ու հարգանք կվաստակի: Բայց հենց անկուսակցական լինելու պատճառով մենք կարողացանք այն ժամանակ միավորվել ու կռվել: Ես ասել էի` ով կուսակցական հայացքներ ունի, թող դրանք Երևանում թողնի, կգնա կնոջ մոտ կքննարկի, իսկ կռվի ժամանակ թուրքրին այնպես պիտի ճռճռացնենք, որ նույնիսկ մերոնք, որ Դեր Զորում են զոհվել, լսեն», - ասաց Մ. Եղիազարյանը: Նա ավելացրեց, որ իրենք պայքարել գիտեն ու դա դեռ Մարտունաշենում ապացուցեցին. «Երբ ռուսները մեզ լուրջ չէին ընդունում, չէին հավատում որ մենք կարող ենք պատերազմել: Եղեռնի ժամանակ մեզ կոտորել էին ու հիմա ոչ ոք չէր սպասում, որ հայերը կկանգնեն, կկռվեն, բայց մենք արեցինք դա: Հայ տղամարդը արեց: Մարտունաշենից հետո բոլորը հասկացան, որ մենք պայքարել գիտենք»: Ուշագրավ Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը Ամենաընթերցվողը բաժնում | Միրզոյանն ու Կուլեբան կարևորվել են Կիևում անցկացված քաղաքական խորհրդակցությունները Անդրադարձ է կատարվել տարածաշրջանային թեմաներին ՀՀ և Սլովենիայի ԱԳ նախարարները քննարկել են երկկողմ օրակարգի և տարածաշրջանային հարցեր Միրզոյանը շնորհակալություն է հայտնել Լեռնային Ղարաբաղից տեղահանված երեխաներին աջակցության համար Լոռի Բերդ ամրոցի եկեղեցու վերականգնումը սկսվել է Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտը Միրզոյանը Բորելի հետ խոսել է տարածաշրջանային վերջին զարգացումներից Միրզոյանը շփումներ է ունեցել ֆորումին մասնակցող բարձրաստիճան պաշտոնյաների հետ |