Ապրիլի 24-ին Հայոց Ցեղասպանության 98-րդ տարելիցի կապակցությամբ Կահիրեի Սբ. Գրիգոր Լուսավորիչ, Ալեքսանդրիայի Սբ. Պողոս Պետրոս և Հելիոպոլսի հայ կաթողիկե Սբ. Թերեզ եկեղեցիներում մատուցվել է սուրբ պատարագ և կատարվել են հոգեհանգստյան արարողություններ:
Եգիպտահայոց թեմի առաջնորդ Աշոտ եպիսկոպոս Մնացականյանը և Եգիպտոսում ՀՀ դեսպան Արմեն Մելքոնյանը համայնքային կազմակերպությունների ղեկավարների, եգիպտահայ համայնքի բազմաթիվ անդամների և դեսպանության աշխատակազմի ընկերակցությամբ ծաղկեպսակներ են դրել Սբ. Գրիգոր Լուսավորիչ եկեղեցու բակում գտնվող խաչքարին:
Ներկաներն ունկնդրել են Կահիրեի Ազգային Առաջորդարանի «Արաքս» երգչախմբի համերգը` նվիրված Հայոց Ցեղասպանության անմեղ զոհերի հիշատակին:
Սբ. Թերեզ եկեղեցու սրահում ցուցադրվել է Հայոց Ցեղասպանության վերաբերյալ փաստա-վավերագրական ֆիլմ:
