Մայիսի 11-ին ԱԳ նախարար Էդվարդ Նալբանդյանն ընդունեց ԵԱՀԿ Խորհրդարանական վեհաժողովի Հարավային Կովկասի հարցերով հատուկ ներկայացուցիչ Ժոաու Սոարեշին։

Շնորհակալություն հայտնելով ընդունելության համար՝ Ժոաու Սոարեշը նշեց, որ ուրախ է կրկին անգամ Հայաստան այցելել և ծանոթանալ տարածաշրջանում ընթացող զարգացումներին։

ԵԱՀԿ Խորհրդարանական վեհաժողովի Հարավային Կովկասի հարցերով հատուկ ներկայացուցիչը Հայաստանի արտգործնախարարին ներկայացրեց իր տարածաշրջանային այցելության նպատակները և Բաքվում ունեցած հանդիպումների տպավորությունները։

Զրուցակիցները հանգամանալից մտքեր փոխանակեցին ղարաբաղյան հիմնախնդրի կարգավորման գործընթացի վերաբերյալ, անդրադարձան տարածաշրջանային խնդիրների։