Այն, ինչ կատարվում է այժմ Թուրքիայում, հետագայում կարող է դրական քայլ գնահատվել երկրում ժողովրդավարության զարգացման համար, սակայն մեկ պայմանով՝ եթե վարչապետ Էրդողանը զիջումների գնա: Այդ մասին Բաքվում հայտարարել է Ադրբեջանում ԱՄՆ նախկին դեսպան Մեթյու Բրայզան:
Նա նշել է, որ դեռևս Ռեջեփ Էրդողանը ցանկանում է ցույց տալ, որ միակ հեղինակությունն է երկրում: Սակայն նա մոռանում է, որ ժողովրդավարական հասարակության մեջ հարկ է նշել նաև ընդդիմության կարծիքը: «Էրդողանը պետք է գիտակցի, որ Թուրքիայի ընտրողների կեսը նրա օգտին չի քվեարկել: Սակայն, այն, ինչ կատարվում է Ստամբուլում, «թուրքական գարուն չէ»,-ասել է Բրայզան: