ԱԺ նախագահ. Պետք է այնպիսի պայմաններ ստեղծենք, որ վարկառուները կարողնան վերադարձնել վարկերը 10 հունիսի 2013 - 17:42 AMT PanARMENIAN.Net - Ազգային ժողովում Կենտրոնական բանկի ներկայացրած 2013թ. դրամավարկային քաղաքականության ծրագրի կամ գնաճի վերաբերյալ հարցի քննարկման ժամանակ արտահերթ ելույթ ունեցավ ԱԺ նախագահ Հովիկ Աբրահամյանը: Նա նշեց, որ որոշել է խոսել և առաջարկներ անել ֆինանսների նախարին ու Կենտրոնական բանկի նախագահին ՝ կիսելով իր գործընկերների մտահոգությունը: «Մենք բոլորս ենք մտահոգված, որ երկրի առաջ տնտեսական զարգացման խնդիրներ են ծառացած: Հասկանում ենք, որ մեր բոլոր հաջողությունները կախված են տնտեսության զարգացումից: Եթե մենք ֆինանսավորում ենք էժան վարկեր, դա ուղղակիորեն նպաստում է տնտեսության զարգացմանը: Բոլորս ենք պատասխանատու այսօրվա տնտեսական զարգացման համար, այս հարցը պետք է ճիշտ ընկալել, ես սա ասում եմ գոնե ՀՀԿ-ի և լայն կոալիցիայի անունից: Մենք պետք է հորդորենք, որ ֆինանսների նախարարությունը և ԿԲ-ն մտահոգված լինեն տնտեսվարող սուբյեկտներով»,- ասաց ԱԺ նախագահը: Ըստ խորհրդարանի ղեկավարի՝ պետք է կարողանալ ապահովել այն ծրագրերի կատարումը, որոնք ֆինանսավորվում են բանկերի կողմից, քանի որ դրանց ձախողումը խաթարում է բանկերի աշխատանքը: «Պետք է այնպիսի պայմաններ ստեղծենք, որ վարկառուները կարողնան վերադարձնել վարկերը: Եվ երբ մեր գործընկերները մի փոքր անցնում են սահմանը, մի վիրավորվեք, իրենք էլ են մտահոգվում: Ես համոզված եմ, որ մենք պետք է լուրջ հետևություններ անենք, պետք է ամեն ինչ անենք, որ տնտեսությունը զարգանա, ինչն էլ կկանխի արտագաղթը, գործազրկությունը և աղքատությունը»,- ասաց ԱԺ նախագահը: Նա հորդորեց մտածել էժան վարկեր տարամադրելու ուղղությամբ քայլեր կատարելու մասին:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
