  Չորս անպատասխան գնդակ և գեղեցիկ խաղ. Հայաստանը հաղթեց Դանիային  12 հունիսի 2013 - 00:08 AMTPanARMENIAN.Net - Հայաստանի ազգային հավաքականն աշխարհի առաջնության ընտրական փուլի B խմբում տարավ իր երկրորդ հաղթանակը: Կոպենհագենի «Պարկեն» ստադիոնում հայ ֆուտբոլիստները հանդիպեցին Դանիայի ընտրանուն: Առաջին խաղակեսում հայերից հաշիվը բացել էր Յուրա Մովսիսյանը, իսկ երկրորդ գոլի հեղինակ էր դարձել Արաս Օզբիլիսը: Երկրորդ խաղակեսը ևս սկսվեց ակտիվ գործողություններով: Երկու թիմերի ֆուտբոլիստներն էլ փորձում էին ազատ տարածություններ ստանալ և փոխել խաղի հաշիվը: Թիմերը երկուստեք հարվածներ էին կատարում դարպասին, սակայն կամ շեղ էին ստացվում կամ էլ լավ էին խաղում դարպասապահները: Հայ ֆուտբոլիստները չբավարվեցին ձեռք բերածով և շարունակեցին ցուցադրել արագ, դինամիկ և գեղեցիկ ֆուտբոլ: Հերթական գորհներից մեկի ժամանակ էլ գրանցվեց երրորդ գոլը: 59-րդ րոպեին կրկին լավ համագործակցեցին Օզբիլիսն ու Մովսիսյանը: Արդյունքում Մովսիսյանը գեղեցիկ հարվածով գրավեց մրցակցի դարպասը՝ դառնալով դուբլի հեղինակ: Հայաստանի հավաքականը միանշանակ կարող էր և չորրոդ գնդակը խփել: Հենրիխ Մխիթարյանի հարվածից հետո լավ խաղաց դարպասապահ Անդերսենը, իսկ Մովսիսյանի հարվածից հետո հետ մղեց պաշտպանը: Խաղավարտին դանիացիներն ավելացրին, Մակիենոկը կարող էր գրավել հայերի դարպասը, սակայն անթերի խաղաց Ռոման Բերեզովսկին: 82-րդ րոպեին Մխիթարյանը ստացավ իր հնարավորությունը, շրջանցեց պաշտպաններին, ինքն իր համար ստեղծեց գոլային պահ և գեղեցիկ գոլի հեղինակ դարձավ: Ի դեպ, հավաքականի կազմում սա Մխիթարյանի 11-րդ գնդակն էր: Այսպիսով, Հայաստանի ընտրանին Մալթայից կրած անակնկալ պարտությունից հետո կարողացավ հավաքվել և խոշոր՝ 4:0, հաշվով հաղթանակ տանել խմբի առաջատարներից մեկի՝ Դանիայի նկատմամբ: Ընտրական B խմբում Հայաստանի հավաքականը վաստակեց վեց միավոր, նույնքան միավոր ունի նաև Դանիան: Խմբի առաջատարը Իտալիան է 14 միավորով:   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
