Թուրքական «Թաքսիմ համերաշխության պլատֆորմ» շարժումը պաշտոնական պահանջներ է ներկայացրել իշխանություններին ընդդիմության անունից, գրում է The Guardian-ը: Ցուցակը հրապարակվել է բաց նամակում, որի հեղինակն է թուրք ակտիվիստների ներկայացուցիչ և Can հրատարակչատան սեփականատեր Քան Օզը:

«Մենք ուզում ենք, որ զբոսայգին զբոսայգի մնա, որ ձերբակալվածներին ազատ արձակեն, որ ոստիկանական ագրեսիան դադարեցվի ու պատժվի»,-ասվում է նամակում:

«Մենք ցանկանում ենք, որ վարչապետ Էրդողանը դադարի սրել լարվածությունը, հետևաբար, մենք խաղաղություն ենք ցանկանում»,-ասվում է նամակի վերջում: