Դեսպան. Ֆրանսիան ԼՂ հակամարտության կարգավորման խաղաղ ճանապարհին այլընտրանք չի տեսնում28 հունիսի 2013 - 17:33 AMT PanARMENIAN.Net - ԼՂ հակամարտությունը կարող է կարգավորվել միայն եթե կողմերը խաղաղ լուծում գտնեն: Կարծիքը Մինսկի խմբի համանախագահող երկրներից Ֆրանսիայի` ՀՀ-ում արտակարգ և լիազոր դեսպան Անրի Ռենոյինն է: Այսօր ասուլիսի ժամանակ նա նաև նշել է, որ կողմերը պետք է հիմնվեն Հելսինկյան եզրափակիչ ակտի և Մադրիդյան սկզբունքների վրա: «Ֆրանսիան ԼՂ հակամարտության կարգավորման խաղաղ ճանապարհին այլընտրանք չի տեսնում: Հայաստանին և Ադրբեջանին հորդորում եմ գտնել բանակցության խաղաղ ուղիները», - ասաց դեսպանը: Նա անդրադաձել է նաև Բաքվի զորահանդեսի ժամանակ Ադրբեջանի նախագահի հայտարարություններին. «Ադրբեջանը պետք է հետևի Մինսկի խմբի համանախագահող երկրների նախագահների ընդունած վերջին հայտարարությանը և դրանում առկա հորդորներին: Դրանք պետք է ուղենիշ լինեն բանակցային գործընթացում»: «Մենք խորապես ափսոսում ենք, որ բանակցային գործընթացի ընթացքում կողմերի փոխշահավետ լուծում գտնելու փորձերի փոխարեն, շարունակել են ձգտել միակողմանի շահ ստանալ: Վստահ ենք, որ հավասարակշռված շրջանակային պայմանավորվածությունների ձեռք բերման հետաձգումն անընդունելի է ու կոչ ենք անում Հայաստանի ու Ադրբեջանի նախագահներին նոր էներգիայով կենտրոնանալ այն հարցերի լուծման վրա, որոնք դեռևս բաց են մնում», - ասված է ՌԴ, ԱՄՆ և Ֆրանսիայի նախագահների հայտարարության մեջ: Նրան նաև վստահություն են հայտնել, որ չորս տարի առաջ այդ առնչությամբ արված հայտարարությունները «պետք է հիմք ծառայեն Լեռնային Ղարաբաղի հակամարտության արդար ու կայուն կարգավորման համար»: Ըստ երեք երկրների նախագահների, «այդ դրույթները անհրաժեշտ է դիտարկել որպես միասնական ամբողջություն, քանի որ դրանցից մեկին նախապատվություն տալու ցանկացած դեպք բացառում է հավասարակշռված որոշում կայացնելու հնարավորությունը»: «Մենք վճռականորեն հորդորում ենք բոլոր կողմերի ղեկավարներին մեկ անգամ ևս հաստատել հավատարմությունը Հելսինկյան սկզբունքներին, մասնավորապես, ուժի չկիրառման կամ ուժի սպառնալիքի չկիրառման, տարածքային ամբողջականության ու ազգերի ինքնորոշման իրավունքի վրա», - նշված է հայտարարության մեջ: Ադրբեջանի նախագահ Իլհամ Ալիևը երեկ, ելույթ ունենալով Ադրբեջանի ԶՈւ 95-ամյակին նվիրված զորահանդեսի ժամանակ, հայտարարել է. «Լեռնային Ղարաբաղն Ադրբեջանի անբաժան մասն է: Եվ ոչ միայն Լեռնային Ղարաբաղը, այլ նաև ժամանակակից Հայաստանը, որը ստեղծվել է Իրևանի խանության հողերի վրա, որոնք Ադրբեջանի պատմական հողերն են: Չեմ կասկածում, որ հակամարտությունն իր արդար լուծումը կստանա և Ադրբեջանի դրոշը կծածանվի Շուշիի ու Խանքենդիի վրա»: Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ
«Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Ամենաընթերցվողը բաժնում | ՔԿ․ Ըստ զորամասի հաղորդման՝ պայմանագրային զինծառայողն իրեն ամրակցված ինքնաձիգից ինքն իրեն պատճառել է հրազենային վնասվածք Դիակի արտաքին զննությամբ բռնության հետքեր չեն հայտնաբերվել, նշանակվել է դիակի դատաբժշկական փորձաքննություն ՔԿ. Արաբկիրի գրասենյակում քննչական գործողություններ են, կան ձերբակալվածներ Ըստ որոշ տեղեկությունների, ձերբակալվածների թվում է նաև Արաբկիրի վարչական ղեկավարը ՄԻՊ. Պետությունը պարտավոր է ձեռնարկել զինծառայողների կյանքի իրավունքի պաշտպանությանն ուղղված քայլեր Պարզաբանումներ ստանալու նպատակով, գրություններ են ուղարկվել իրավասու պետական մարմիններին Իրավապաշտպան․ 3 զինվորի մահ՝ 18 օրում, պետությունն է պատասխանատու զինվորի կյանքի համար «Դեռ զինվորին հողին չհանձնած, ընտանքը մեղայական խոսքերի փոխարեն լսում էր մեղադրանքներ ու սպառնալիքներ»,–գրել է նա |