Քաղաքապետարանը ուղեվարձի թանկացման մասին ՄԻՊ հարցադրումներին, ըստ էության, չի պատասխանել  24 հուլիսի 2013 - 18:06 AMTPanARMENIAN.Net - Մարդու իրավունքների պաշտպան Կարեն Անդրեասյանի՝ Տարոն Մարգարյանին առաջադրած ուղեվարձի թանկացման հետ կապված հարցադրումների պատասխաններ, ըստ էության, չեն տրվել: Այս մասին PanARMENIAN.Net ի թղթակցի հետ զրույցում ասաց սոցիալ-տնտեսական իրավունքների հարցերով ՄԻՊ խորհրդական Արմեն Գրիգորյան: Նա նշեց, որ քաղաքապետի՝ Երևանի ներքաղաքային ուղևորափոխադրումների վարձը վերանայելու մասին որոշումը, որը քաղաքապետարանի պաշտոնական կայքում հրապարակվել էր այսօր (ընդունման պահից հինգ օր անց), պետք է հրապարակվեր ընդունման, կամ գոնե հաջորդ օրը: Նա նշեց նաև, որ ՄԻՊ-ի հայտարարության մեջ առաջադրված հարցը, թե առանց քաղաքապետի որոշման տրանսպորտի սակագները բարձրացրած բոլոր ուղևորափոխադրող ընկերությունները ենթարկվելու՞ են արդյոք պատասխանատվության, մնացել է բաց: «Պատասխան տրվել է միայն առաջին հարցադրման մասով, այն է՝ տեղադրվել է որոշումը, ինչն այս հինգ օրերի ընթացքում 150 դրամ ուղեվարձով աշխատելու համար խնդրահարույց է»,- նշեց իրավաբանը: Գրիգորյանը հավելեց նաև, որչ ՄԻՊ-ը պատրաստվում է քայլեր ձեռնարկել հարցադրումների մի մասի պատշաճ պատասխաններ ստանալու ուղղությամբ, մասնավորապես՝ կապված մրցույթ հայտարարելու, պատասխանատվության ու փոխհատուցումների հետ: «Բացի այս հայտարարությունը, մենք նաև քաղաքապետարանից պահանջել ենք ներկայացնել փոստաթղթերը՝ առավել մանրամասն ուսումնասիրելու, վերլուծելու թե որոշման իրավական, թե տնտեսական հիմնավորվածությունը»,- եզրափակեց մասնագետը՝ նշելով, որ քաղաքապետարանի պատասխանին մինչև շաբաթվա վերջ են սպասելու:  Ուշագրավ Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը   Ամենաընթերցվողը բաժնում |  Վերջին լուրեր ԵԱԶԲ–ն, ՄԱԿ-ի Պարենի համաշխարհային ծրագիրն ու «Երեմյան Ֆարմը» ՀՀ–ում «Կաթ դպրոցներում» ծրագրի ընդլայնման մտադրությունների համաձայնագիր են կնքել  «Կաթ դպրոցներում» ծրագրի մեկնարկն ազդարարվել էր 2022 թվականի դեկտեմբերինOVIO-ի նախաձեռնությամբ անցկացվել է «Ամպային տեխնոլոգիաների և Տվյալների մշակման կենտրոնների զարգացում» խորագրով DC24 համաժողովը Համաժողովի նպատակն է վերհանել ոլորտի մարտահրավերները և գտնել դրանց լուծումներըԸստ Բայրամովի՝ խաղաղության գործընթացի ամենալուրջ խոչընդոտը ՀՀ սահմանադրությունն է «Բաց մնացած հարցերի թիվը զգալիորեն կրճատվել է»,- ասել է նաՄիրզոյանը՝ ռուս-ուկրաինական հակամարտության մասին․ ՀՀ-ն աջակցում է երկրների տարածքային ամբողջականությանը «Մենք ինքներս առերեսվել ենք նույն ավերածությանը մեր տարածաշրջանում»,–ասել է նա |
