  ՎԶԵԲ-ը Հայաստանում 2014-ին չափավոր տնտեսական աճ է կանխատեսում 13 նոյեմբերի 2013 - 10:39 AMT PanARMENIAN.Net - 2012 թվականին Հայաստանում գրանցված 7,1 տոկոս ՀՆԱ աճը 2013-ին նվազել է մինչև 2,5 տոկոս: Այդ մասին ասվում է Վերակառուցման և զարգացման եվրոպական բանկի (ՎԶԵԲ) զեկույցում: Ինչպես ասվում է զեկույցում, 2013 թ. աճը նվազել է ռուսական գազի և մյուս սակագների զգալի բարձրացման պատճառով: Կանխատեսումների փոփոխությունները պայմանավորված են հիմնականում Ռուսաստանի համար տնտեսական հեռանկարների վատթարացմամբ և այդ գործոնի ազդեցությամբ տարածաշրջանում նրա գործընկերների վրա: Ընթացիկ տարում Հայաստանի ՀՆԱ աճի կտրուկ դանդաղումից հետո 2014 թվականին ակնկալվում է չափավոր տնտեսական աճ 3,5 տոկոսի մակարդակով: Հայաստանի տնտեսությունը հաջորդ տարի կվերականգնվի, քանի որ պահպանվում է դրամական փոխանցումների մեծ ներհոսքը, իսկ Մաքսային միությանն անդամակցելու որոշումը կարող է նպաստել գազի սակագնի նվազեցման: Ընդհանուր առմամբ Արևելյան Եվրոպայի և Կովկասի (Հայաստան, Ադրբեջան, Վրաստան, Բելառուս, Մոլդովա, Ուկրաինա) տարածաշրջանում 2013 թվականին ակնկալվում է ՀՆԱ 1-տոկոսանոց աճ, իսկ 2014-ին՝ 2-տոկոսանոց: Ըստ ՎԶԵԲ զեկույցի, 2013 թվականի ավարտին ՀՆԱ աճը Վրաստանում կկազմի 2 տոկոս, 2014-ին՝ 4 տոկոս, Ադրբեջանում՝ 4,5 տոկոս, 2014-ին՝ 3,5 տոկոս, Ռուսաստանում՝ 1,3 տոկոս, 2014-ին՝ 2,5 տոկոս, Թուրքիայում՝ 3,7 տոկոս, 2014-ին՝ 3,6 տոկոս: Ըստ պետբյուջեի Հայաստանում 2013 թ. ՀՆԱ աճը կկազմի 6,2 տոկոս, իսկ 2014 թ. պետբյուջեի նախագծով այն նախատեսվում է 5,2 տոկոսի մակարդակով: Հղումներ թեմայով.   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
