  Ավիավթարի ամբողջական պատկերը կպարզվի «սեւ արկղերը» բարձրացնելուց հետո 5 մայիսի 2006 - 15:30 AMT PanARMENIAN.Net - Ավիավթարի ամբողջական պատկերը կպարզվի, երբ հնարավոր լինի «սեւ արկղերը» հանել ծովի հատակից, որոնք ֆրանսիացի մասնագետները եւ ՌԴ ԱԻՆ ներկայացուցիչները հայտնաբերել են 680 մ խորության վրա: Այդ մասին հայտարարել է ՀՀ Անվտանգության խորհրդի քարտուղար, պաշտպանության նախարար Սերժ Սարգսյանը: Նրա խոսքերով, համաշխարհային պրակտիկայում դեռեւս դեպք չի եղել, որ նման խորությունից բարձրացվի որեւէ սարք, թեեւ այդ հարցով փորձագետները դիմել են աշխարհի առաջատար երկրներին: «Ներկայումս հստակ կարելի է ասել, որ ինքնաթիռը եղել է տեխնիկապես սարքին վիճակում եւ հասել է Սոչիի դիսպետչերական ծառայության պատասխանատվության գոտի եւ հարցում է արել վայրէջքի վերաբերյալ: Դիսպետչերը պատասխանել է, որ եղանակը անբարենպաստ է, որից հետո ինքնաթիռը պտույտ է գործել եւ ուղղություն վերցրել դեպի Երեւան: Արդեն բավական հեռանալով Սոչիից եւ մտնելով վրացական դիսպետչերական ծառայության պատասխանատվության գոտի, օդաչուն եւս մեկ անգամ հարցում է արել Սոչի: Պատասխան ստանալով, որ եղանակը բարելավվել է եւ նրանք կարող են վայրէջք կատարել, ինքնաթիռը, կրկին մտնելով Սոչիի դիսպետչերական ծառայության պատասխանատվության գոտի, գնացել է վայրէջքի: Երբ բարձրությունն արդեն եղել է 300 մ, դիսպետչերը եւ օդերեւույթաբանական ծառայությունը հայտնել են, թե եղանակը կտրուկ վատթարացել է եւ հարկ է կատարել եւս մեկ շրջան եւ վայրէջք կատարել մյուս թռիչքուղու վրա: Անմիջապես դրանից հետո կապն ինքնաթիռի հետ ընդհատվել է եւ, ինչպես պարզվեց հետագայում, ինքնաթիռը ծովն է ընկել»,-ասել է Սարգսյանը:   Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ «Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել»   Ամենաընթերցվողը բաժնում |  Բաժիններ թեմայով Սյուժե Վերջին լուրեր Լոռի Բերդ ամրոցի եկեղեցու վերականգնումը սկսվել է  Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտըՀուլիսի 1-ից Ջրային պարեկները կանցնեն ուժեղացված ծառայության Իրավախախտումների համար նախատեսված են տուգանքներԲագրատ սրբազան. Շարժումը չի դադարեցվի` վերադասավորումների փուլ է «Այս պայքարը չընդհատվող պայքար է և հաղթանակ ունեցող պայքար է»,–ասել է նա |
