  Ռուսաստանցիների 24%-ը Ղարաբաղն անկախ պետություն է համարում, 56%-ը վստահ է` խնդրի խաղաղ կարգավորումը հնարավոր է 25 օգոստոսի 2014 - 15:58 AMT PanARMENIAN.Net - Հանրային կարծիքի ուսումնասիրության համառուսական կենտրոնը ներկայացրել է տվյալներ, թե ռուսաստանցիների շրջանում Լեռնային Ղարաբաղի հակամարտության շուրջ տեղեկացվածության մակարդակն ինչ աստիճանի է, հարցվողների կարծիքով` կարող է արդյոք այն կարգավորվել խաղաղ ճանապարհով, և ինչպիսին է տվյալ տարածքի կարգավիճակը: Այս մասին, որ օգոստոսի սկզբին Լեռնային Ղարաբաղի հակամարտության շրջանում զինված բախումների սրացում է եղել, տեղյակ է ռուսաստանցիների 45%-ը (նրանցից 10% մանրամասն տեղեկացված է, 35%-ը լսել է, բայց մանրամասները չգիտի): Տեղեկացվածության մակարդակը նշանակալի բարձր է 60-անց անձանց (55%) և տղամարդկանց (51%) մոտ, քան երիտասարդների (31%) և կանանց (41%): Բացի այդ, հարցվածների 52%-ը կատարվածի մասին առաջին անգամ լսել է միայն հարցումների ժամանակ: Լեռնային Ղարաբաղն անկախ հանրապետություն է, կարծում է ամեն չորրորդ ռուսաստանցին (24%): Այս տեսակետն ավելի շատ պնդում են բարձրագույն կրթությամբ հարցվողները (26%), քան թերի կրթվածները (13%): Մնացյալ հարցվածների կարծիքը գրեթե հավասարապես է բախշվել. 11%-ը կարծում է, որ տվյալ տարածքը Հայաստանի կազմում է, 9%-ը մտածում է` Ադրբեջանի: Հարցվողների 53%-ը դժվարացել է պատասխանել: Լեռնային Ղարաբաղի հակամարտության խաղաղ կարգավորումը հնարավոր է համարում ռուսաստանցիների կսեը (56%): Ռուսաստանցիների միայն 14%-ն է կարծում, որ Լեռնային Ղարաբաղի տարածքային պատկանելիության հարցն անհնար է լուծել առանց զենքի կիրառման: Իսկ հարցվածների 1/3-ը դեռ սեփական դիրքորոշում չունի: Համառուսական հարցումն անցկացվել է օգոստոսի 16-17-ը: Հարցմանը մասնակցել է 1600 մարդ 42 շրջանի 130 բնակավայրից: Վիճակագրական սխալը չի գերազանցում 3,4%-ը: Հուլիսի վերջից օգոստոսի 10-ը հակառակորդի բոլոր գործողություններն աննախադեպ էին 90-ականներից այս կողմ։ Կառավարության օգոստոսի 7-ի նիստին պաշտպանության նախարար Սեյրան Օհանյանը զեկուցել է, որ հայկական ստորաբաժանումները կանխել են 20-ից ավելի դիվերսիա։ Նրա խոսքով` նպատակն էր ազդել բանակցային գործընթացի վրա, ինչպես նաև` ներքին լսարանի մոտ վերացնել պարտվածի հոգեբանությունը։ 2014-ի ընթացքում հակառակորդը հրադադարի ռեժիմը խախտել է մոտ 18 000 անգամ, այնինչ 2013-ի ընթացքում այդ թիվը կազմել է 13 000: Այս տարվա ընթացքում հակառակորդը 26 դիվերսիոն հետախուզական գործողության փորձ է ձեռնարկել, որից միայն 15-ը՝ հուլիսի 25-ից՝ օգոստոսի 6-ն ընկած ժամանակահատվածում: Հակառակորդը ռազմական բնույթի աննախադեպ գործողությունների էր դիմում, այդ թվում՝ հրադադարի ինտենսիվ խախտումների և խաղաղ բնակավայրերի ռմբակոծությունների, դիվերսիոն հետախուզական ակտիվ գործողությունների, ինչպես նաև ղարաբաղա-ադրբեջանական շփման գծում ու թիկունքում զորքերի տեղաշարժերի, տեղեկատվական և քարոզչական ակտիվ աշխատանքներ տանում: Հղումներ թեմայով.    Արցախի Հանրապետություն 1923թ., հաշվի չառնելով Լեռնային Ղարաբաղի բնակչության կարծիքը, ՌԿԿ(բ) Կովկասի բյուրոյի որոշմամբ Ադրբեջանական ԽՍՀ կազմում ստեղծվեց Լեռնային Ղարաբաղի ինքնավար մարզ:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
