ՆԱՏՕ-ն բավարարված է Հայաստանի կառավարության կողմից գրանցած առաջխաղացմամբ

15 հունիսի 2006 - 14:51 AMT

PanARMENIAN.Net - Հյուսիս-ատլանտյան խորհուրդը դրական է գնահատել Հայաստան-ՆԱՏՕ Անհատական գործընկերության գործողությունների ծրագրի (ԱԳԳԾ) իրականացման վերաբերյալ Հայաստանի միջանկյալ զեկույցը: Այդ մասին Հայաստանի Հանրային Հեռուստանընկերությանը տված հարցազրույցում հայտարարել է Հարավային Կովկասում ՆԱՏՕ-ի գլխավոր քարտուղարի հատուկ ներկայացուցիչ Ռոբերտ Սիմոնսը: «Դա շարունակական գործընթաց է, եւ ես ցանակնում են նշել, որ գոհունակությամբ ընդունեցինք Հայատսնաի կառավարության կողմից գրանցված առաջընթացը»,- ասել է նա: Ընդ որում, Ռ. Սիմոնսը հրաժարվել է համեմատական գնահատական տալ Հարավային Կովկասի պետություններին` նշելով, որ տարածաշրջանի երկրները տարբեր փուլերում են գտնվում:

Իր հերթին, Հայաստանի պաշտպանության նախարար, ՀՀ նախագահի Ազգային անվտանգության խորհրդի քարտուղար Սերժ Սարգսյանը նշել է, որ տվյալ գնահատականը վկայում է, որ Հայաստանը ճիշտ ուղու վրա է գտնվում: «Մեզ համար շատ հաճելի է, որ Հյուսիս-ատլանտյան խորհուրդը բարձր է գնահատել մեր կատարած աշխատանքը»,- ավելացրել է նախարարը, հայտնուրմ է «Նովոստի-Առմենիան»: