  Գերմանական Die Linke խմբակցության հարցումը ղարաբաղյան կարգավորման մեջ Բեռլինի դերի մասին անպատասխան է մնացել 12 նոյեմբերի 2014 - 14:59 AMT PanARMENIAN.Net - Հոկտեմբերին գերմանական ձախակողմյան Die Linke խմբակցությունը Գերմանիայի դաշնային կառավարությունից մանրամասն զեկույց պահանջեց ղարաբաղյան կարգավորման և այն դերի մասին, որն ունի կամ կարող է ունենալ ԳԴՀ-ն այդ գործընթացում: Կառավարությանը հասցեագրված նամակում 40 հարց և ենթահարց կար ղարաբաղյան կարգավորման վերաբերյալ: Նոյեմբերի 6-ին «ձախակողմյանների» հարցմանը պատասխանել է Գերմանիայի ԱԳՆ-ն: Սեղմ պատասխանում ասվում է տարեսկզբից հակամարտության գոտում առկա լարվածության մասին: Մասնավորապես, նշվում է, որ շփման գծում դիմակայությունը գագաթնակետին հասավ հուլիսի վերջում օգոստոսի սկզբին, հետո նվազեց՝ հասնելով նախկին ցուցանիշին: Գործի դրվեցին հիմնականում դիպուկահարներն ու ինքնաձիգերը, ինչպես նաև այլ զենք: Ադրբեջանական կողմի նախաձեռնած գործողություններն աննախադեպ էին 1994 թվականից ի վեր: Տարեսկզբից արդեն գրանցվել է հրադադարի խախտման մոտ 18 հազար դեպք ադրբեջանական կողմից, այն դեպքում երբ 2013-ին տարվա ընթացքում այդ թիվը հասավ 13 հազարի: Հուլիսի 28-ից Ադրբեջանը դիվերսիոն և սադրիչ գործողությունների դիմեց հայ-ադրբեջանական սահմանին և Լեռնային Ղարաբաղի և Ադրբեջանի ԶՈւ շփման գծում: Այդ գործողությունների արդյունքում հակառակորդի կորուստները 8-9 անգամ գերազանցեցին հայկական կողմի կորուստները: Փաստորեն գերմանական կառավարությունը ըստ էության չի պատասխանել խմբակցության հարցերից և ոչ մեկին և մանրամասն զեկույցի փոխարեն սահմանափակվել է հռետորական հայտարարությամբ: Մինչդեռ, Die Linke-ի հարցման մեջ շեշտված էր Լեռնային Ղարաբաղի հակամարտության կարգավորման գործում Մոսկվայի բացառիկ դերը, այն հիմնավորելով Հայաստանի և Ադրբեջանի հետ Ռուսաստանի ունեցած սերտ հարաբերություններով: Խմբակցությունը ուշադրություն է հրավիրել նաև այն հանգամանքի վրա, որը օգոստոսյան սահմանային լարվածության ժամանակ Ռուսաստանի նախագահի նախաձեռնության հանդիպում տեղի ունեցավ Հայաստանի և Ադրբեջանի նախագահների միջև: Գերմանացի ձախակողմյանները հետաքրքրվել են, թե արդյոք Դաշնային կառավարությունը սատարում է Մոսկվայի ջանքերը, քանզի ԳԴՀ-ն հանդիսանում է նաև ԵԱՀԿ Մինսկի խմբի անդամ: Հղումներ թեմայով.    Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
