Հռոմի Կոլիզեումի լույսերը կմարեն ի նշան Ցեղասպանության զոհերի հիշատակին հարգանքի

Հռոմի Կոլիզեումի լույսերը կմարեն ի նշան Ցեղասպանության զոհերի հիշատակին հարգանքի

PanARMENIAN.Net - Հայոց ցեղասպանության 100-րդ տարելիցի կապակցությամբ ի նշան զոհերի հիշատակի հարգանքին ապրիլի 24-ի երեկոյան՝ Հռոմի ժամանակով 22:00-ից՝ 22:15-ը կմարեն Հռոմի խորհրդանիշը համարվող Կոլիզեումի լույսերը:

Նախաձեռնության մասին հայտարարվել է հաստատության մամուլի բաժնի կողմից: Ինչպես նշվում է տարածված հաղորդագրության մեջ` նախաձեռնության նպատակն է ոգեկոչել 20-րդ դարի առաջին Ցեղասպանության` Հայոց ցեղասպանության զոհերի հիշատակը, իտալական ANSA գործակալությունը հղումով գրում է Panorama.am-ը:

Ավելի վաղ Ֆրանսիայում Հայաստանի դեսպանությունը հայտարարել էր, որ ապրիլի 24-ին կմարեն Էյֆելյան աշտարակի լույսերը՝ ի հիշատակ Հայոց ցեղասպանության զոհերի:

Փարիզի քաղաքապետի որոշմամբ ապրիլի 24-ին՝ 22:00-ին (Երևանի ժամանակով կեսգիշերին) Էյֆելյան աշտարակի լույսերը կանջատվեն՝ որպես հարգանքի տուրք Հայոց ցեղասպանության զոհերի հիշատակին:

 Ուշագրավ
Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից
«Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա
Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին
---