Ամենայն Հայոց կաթողիկոսը Աստանայում կոչ է արել ճանաչել Հայոց ցեղասպանությունը15 սեպտեմբերի 2006 - 15:33 AMT PanARMENIAN.Net - Ամենայն Հայոց կաթողիկոս Գարեգին Երկրորդը մասնակցել է Համաշխարհային եւ ավանդական կրոնների առաջնորդների երկրորդ համագումարին` Ղազախստանի մայրաքաղաք Աստանայում: Վերջին օրը կաթողիկոսը հանդես է եկել «Հավատի կարեւորությունը» զեկույցով, որում հայտարարել է, որ «հայերը, չնայած 1915 թվականի Ցեղասպանությանը, ճնշումներին եւ հետապնդումներին, շարունակում են հավատարիմ մնալ իրենց հավատին»: Սեպտեմբերի 14-ին համագումարն ընդունել է բոլոր դավանանքների հոգեւոր առաջնորդների հայտարարությունը, որտեղ ընդգծվում է պայքարի անհրաժեշտությունը կանխակալ մոտեցումների եւ տգիտության դեմ: «Համագումարի աշխատանքներին հետեւում էին շուրջ 150 լրագրողներ, իսկ համագումարի աշխատանքն ավարտվեց ցեղասպանության քարոզչությամբ Ամենայն Հայոց կաթողիկոս Գարեգին Երկրորդի կողմից: Հայոց կաթողիկոսի խոսքերն ընդունվեցին ծափահարություններով»,-գրում է թուրքական «Հյուրիեթ» թերթը: Թերթը հիշեցնում է, որ հայերի հոգեւոր առաջնորդը Ստամբուլ կատարած այցի ժամանակ եւս «հայ համայնքի անունից հայտարարեց, թե Թուրքիան պետք է ճանաչի 1915 թվականի Հայոց ցեղասպանությունը»: ![]() ![]()
«Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս ![]() ![]() ![]() | ![]() ![]() ![]() ![]() ![]() ![]() |