Բաքուն հրաժարվում էր ստորագրել «Արևելյան գործընկերության» հռչակագիրը. Պատճառը ԼՂՀ-ն է՞ր22 մայիսի 2015 - 16:07 AMT PanARMENIAN.Net - Ադրբեջանն ամբողջ օրվա ընթացքում հրաժարվում էր ստորագրել «Արևելյան գործընկերության» հռչակագիրը: Այս մասին մայիսի 22-ին Ռիգայում լրագրողներին է հայտարարել Եվրախորհրդարանի նախագահ Մարտին Շուլցը: Պատասխանելով խնդրահարույց պահերի մասին հարցին` նա ասել է. «Կարծես, խնդիրը հենց Ադրբեջանի հետ է կապված, ամեն դեպքում օրվա ընթացքում այդպես էր»: Նա նշել է նաև, թե չգիտի` արդյոք փաստաթուղթը կընդունվի: Ես չգիտեմ, արդյոք այս պահի դրությամբ հռչակագիրը ստորագրված է, թե` ոչ»,- ասել է Շուլցը: Tert.am-ի աղբյուրի փոխանցմամբ, վերջին պահին Ադրբեջանը հրաժարվել է ստորագրել համաձայնագիրը՝ դրանում Լեռնային Ղարաբաղի Հանրապետությանն առնչվող ձևակերպումների պատճառով: Ադրբեջանական կողմի այս քայլը հարուցել է եվրոպական երկրների ներկայացուցիչների հիասթափությունը: Մինչդեռ Լիտվայի նախագահ Դալյա Գրիբաուսկայտեն հայտնել է, որ փաստաթուղթն արդեն հավանության է արժանացել: Պատասխանելով հռչակագրում Ղրիմի վերաբերյալ ձևակերպման ընդգրկվելու մասին հարցին` նա ասել է. «Իհարկե, առանց դրա հռչակագիրը չէր ընդունվի» հայտնում է ՏԱՍՍ գործակալությունը: Ավելի ուշ հայտնի դարձավ, որ Ռիգայի գագաթնաժողովի բոլոր մասնակիցները, այդ թվում Ադրբեջանը, ստորագրել են ամփոփիչ հռչակագիրը: Այդ մասին հայտարարեց Լեհաստանի ԱԳՆ ղեկավար Գժեգոժ Սխետինան: «Այո, բոլոր մասնակիցները ստորագրել են, այդ թվում` Ադրբեջանը»,-ասել է նա, հայտնել է ՌԻԱ Նովոստի գործակալությունը: Վերջնականապես համաձայնեցվել է հռչակագրի այն մասը, որը վերաբերում է ԵՄ դերակատարությանը հետխորհրդային տարածքում հակամարտությունների կարգավորման գործում: «Սառեցված հակամարտությունների կարգավորման մասին բաժինը համաձայնեցված է. գագաթնաժողովը ողջունում է ԵՄ դերակատարության ընդլայնումն այդ գործընթացում»,-ասել է աղբյուրը: Մայիսի 21-ին հայտնի դարձավ, որ Հայաստանն ու Բելառուսը հրաժարվել են ստորագրել Ռիգայում աշխատանքը սկսած «Արևելյան գործընկերաության» գագաթնաժողովի ամփոփիչ հայտարարությունը, եթե Ղրիմի «ապօրինի բռնակցման» մասին դրույթն անփոփոխ մնա: Նրանք փոխզիջումային տարբերակ են մշակել` դիրքորոշումները առանձին կնշվեն: Ի սկզբանե նախատեսվում էր Ռիգայի հռչակագրում գրել ՌԴ-ին Ղրիմի «ապօրինի բռնակցման» մասին, սակայն դրան դեմ եղան Բելառուսն ու Հայաստանը: Ուստի, հավանաբար, կներկայացվի փաստաթղթի խմբագրված տարբերակը, որտեղ ԵՄ դիրքորոշումն ու անդամ երկրների դիրքորոշումն առանձին կներկայացվի: «Տեքստում կնշվի, որ ԵՄ-ն դատապարտում է իրավիճակը Ղրիմում, կնշվեն նաև անդամ երկրների դիրքորոշումները, որ նրանք հայտարարել են 2014-ի մարտին ՄԱԿ-ում քվեարկության ժամանակ, որտեղ Հայաստանն ու Բելառուսը սատարեցին Մոսկվային` դեմ քվեարկելով բանաձևին, որը Ղրիմի հանրաքվեն հայտարարում էր ուժ չունեցող»,-հայտնում է գործակալությունը: «Բարդ բանակցություններ են»,-ասել է դիվանագետներից մեկը Բրյուսելում: Համատեղ հայտարարության սևագիր տարբերակը կքննարկվի մայիսի 21-ի երեկոյան ԵՄ և ծրագրի անդամ 6 երկրների ԱԳ նախարարների միջև, հայտնում է ՌԻԱ Նովոստի գործակալությունը: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Կկրճատվի հիվանդությունների ցանկը, որով զորակոչի ենթակաները ոչ պիտանի են ճանաչվում Գիշերամիզությունը, թեթև մտավոր հետամնացությունը, կիստաները այլև բանակից ազատվելու հիմք չեն լինի Team-ը` CaseKey կրթական ակադեմիայի գործընկեր Վերապատրաստման ծրագրի ավարտին թիմերին կներկայացվի իրական բիզնես խնդիր, որը պետք է լուծել ՌԴ–ում կոմերցիոն կազմակերպություններն այլևս չեն կարողանա ռուսաց լեզվի քննություն անցկացնել միգրանտների համար Նոր պահանջը կգործի մայիսի 1–ից Մարուքյան. Համոզում էին, որ եթե ռուս խաղաղապահը դուրս գա ԼՂ-ից, սկանդինավյանը կգա՝ սպասում ենք «Այս ամենն ասողները թո՛ղ դուրս գան ու պահանջեն, որ սկանդինավյան խաղաղապահները գան Արցախ»,–գրել է նա |