Հիդրոմետ. Համեմատաբար տաք, տեղումնառատ ձմեռ է սպասվում27 նոյեմբերի 2015 - 17:01 AMT PanARMENIAN.Net - Սպասվում է համեմատաբար տաք ձմեռ: Այս մասին նոյեմբերի 17-ին լրագրողներին հայտնել է ՏԿԱԻՆ Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը: «Դեկտեմբերին միջին ամսական ջերմաստիճանը նորմայից բարձր կլինի մեկ աստիճանով: Հունվարին և փետրվարի այն բարձր կլինի կրկին մեկ աստիճանով, Շիրակում և Արարատյան դաշտավայրում՝ մինչև երկու աստիճանով: Նշված երեք ամիսներին տեղումների քանակը կանխատեսվում է նորմայից ավելի», - ասել է Սուրենյանը, մեջբերում է Panorama.am-ը: Նա մանրամասնել է, որ հանրապետության լեռնային գոտիներում՝ Շիրակում, Կոտայքում, Գեղարքունիքում, Արագածոտնի և Վայոց Ձորի լեռնային շրջաններում դեկտեմբեր ամսվա առաջին կեսին օդի ջերմաստիճանը ցերեկային ժամերին կտատանվի +4 +7–ի սահմաններում, իսկ ամսվա երկրորդ կեսին արդեն գիշերային ժամերին սպասվում է ջերմաստիճանի անկում՝ -18-ից մինչև -23: «Լոռու մարզում դեկտեմբեր ամսվա առաջին կեսին օդի միջին ջերմաստիճանը հիմնականում ցերեկը կտատանվի +10-ից +14, ամսվա երկրորդ կեսին գիշերը առանձին օրերին ջերմաստիճանը կնվազի մինչև -15-ից -20 աստիճան: Տավուշում ամսվա առաջին կեսին օդի միջին ջերմաստիճանը կտատանվի +12-ից +15-ի սահմաններում, ամսվա երկրորդ կեսին՝ -10-ից -15: Սյունիքում ամսվա առաջին օրերին հովտային գոտիներում ցերեկը սպասվում է +10 +15, լեռնային շրջաններում +7 +9, իսկ ամսվա երկրորդ կեսին հովտային շրջաններում կնվազի մինչև -7-ից -12, իսկ լեռնային շրջաններում՝-11-ից -16»,-նշել է մասնագետը: Սուրենյանը նշել է, որ Արարատյան դաշտում, Արագածոտնի նախալեռներում և Վայոց Ձորի նախալեռնային գոտում դեկտեմբերի առաջին կեսին դեռևս տաք կլինի. «Օդի ջերմաստիճանը ցերեկային ժամերին հիմնականում կտատանվի +8 +10-ի սահմաններում, իսկ ամսվա երկրորդ կեսին գիշերային ժամերին ջերմաստիճանը կնվազի - 12-ից -15»: Նա նաև տեղեկացրել է, որ Երևանում դեկտեմբերի առաջին կեսին ջերմաստիճանը հիմնականում կտատանվի 8-ից 10 աստիճան տաքության սահմաններում, իսկ ամսվա երկրորդ կեսին գիշերը ցածրադիր մասերում հնարավոր է նվազի մինչև -12-ից -15, իսկ բարձրադիր մասերում՝ մինչև -10-ից -12: Սուրենյանը գյուղատնտեսներին հորդորել է անպայման այգեթաղ կատարել: Հղումներ թեմայով. Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Պետդեպն ապատեղեկատվություն է անվանել Բրյուսելում ՀՀ-ի հետ ռազմական փաստաթուղթ ստորագրելու մասին պնդումները Նշել է, որ անվտանգային հարցեր օրակարգում չեն եղել PROFAL ընկերությունն անակնկալ է մատուցել իր 30,000-րդ հաճախորդին Էդգար Ավետիսյանը նշել է՝ ընկերության հաջողությունների հիմքում նաև հաճախորդներն են Երևանում կբացվի քանդակագործ Մկրտիչ Մազմանյանի ցուցահանդեսը՝ նվիրված Ազնավուրին Բացման օրը տեղի կունենա նաև քանդակագործի աշխատանքներին ու ստեղծագործական կյանքին նվիրված գրքի շնորհանդեսը Տաթևի վանքի շրջակայքում պտղատու այգի է հիմնվում՝ ի զորակցություն Ռուբեն Վարդանյանի և գերեվարված հայրենակիցների Ծրագրին կարող են մասնակցել բոլորը՝ այցելելով գործակալության կայք և ձեռք բերել անվանական ծառ` սեղմելով «Տնկել ծառ» կոճակը |