Ղեկավարվելով 2005-ի փոփոխություններով Հայաստանի Հանրապետության Սահմանադրության 55-րդ հոդվածի 12-րդ կետով՝ ՀՀ նախագահը հրամանիագիր է ստորագրել:
Դրանով գնդապետ Թեմուր Շահնազարյանը նշանակվում է Հայաստանի Հանրապետության զինված ուժերի կապի զորքերի պետ-կապի և ավտոմատացված կառավարման համակարգերի վարչության պետ։
Ավելի վաղ նախագահը գեներալ-մայոր Կոմիտաս Մուրադյանին ազատել էր ՀՀ զինված ուժերի կապի զորքերի պետկապի և ավտոմատացված կառավարման համակարգերի վարչության պետի պաշտոնից:
Մայիսի 20-ին նախագահի հերթական հրամանագրով Հայաստանի ԶՈւ գլխավոր շտաբի պետի տեղակալի պաշտոնից ազատվել է գեներալ-լեյտենանտ Մովսես Հակոբյանը։ Մեկ այլ հրամանագրով նա նշանակվել է ՀՀ պաշտպանության նախարարի տեղակալ-պաշտպանության նախարարության նյութատեխնիկական ապահովման դեպատամենտի պետ:
